ASNN – Përveç kostos financiare, dhuna e shkaktuar gjatë ndeshjes së ditës së diel midis Elbasanit dhe Tiranës u ka kushtuar edhe sportivisht të dy klubeve. Komisioni i Disiplinës pranë Federatës Shqiptare të Futbollit, i mbledhur sot, i ka ndëshkuar të dy klubet me nga 6 ndeshje pa tifozë, si dhe me një gjobë prej 200 mijë lekësh.

Gjithashtu vendimi i Disiplinës i detyron të dy klubet të zhdëmtojnë dëmet e kryera nga tifozeritë e tyre në sektorin përkates, referuar raportit të hartuar nga administrata e stadiumit “Elbasan Arena”. Ajo që vlen të theksohet është se pas dënimit të Tiranës për t’i luajtur 15 ndeshje në fushën e vet pa tifozë, klubit bardheblu i shtohet edhe ky dënim me 6 ndeshje pa tifozë edhe në fushë të huaj.

Vendimi i Komisionit të Disiplinës kërkon që ekzekutimi i këtij dënimi nga klubet pritëse të realizohet duke mos siguruar vendet e përcaktuara në stadium për tifozerinë mike. Po kështu, lojtari i Elbasanit, Xhulio Jaupi, për provokim të publikut, dënohet me dy ndeshje pezullim nga aktiviteti.

Ja procesverbali i plotë i mbledhjes së sotme të Komisionit të Disiplinës pranë FSHFsë:

FEDERATA SHQIPTARE E FUTBOLLIT

KOMISIONI I DISIPLINES      

     Tirane me 26/11/2014

                                                                 PROCESVERBAL

I mbajtur sot me date 26 Nentor 2014, ne mbledhjen e Komisionit te Disiplines se FSHF-se per shqyrtimin e e problemeve disiplinore te konstatuara ne ndeshjet e kategorive te ndryshme te Kampionatit Kombetar te Futbollit dhe per shqyrtimin e kerkesave te paraqitura.

Komisioni pasi u njoh me relacionin e Sekretariatit Teknik, shqyrtoi dokumentacionin e paraqitur, si i diskutoi ceshtjet ne teresi, ne perfundim bazuar dhe ne nenin 78 te KDS.

VENDOSI:

1. KF “Elbasani”, per hedhje te sendeve te forta dhe flakadaneve ne fushen e lojes, duke shkaktuar akte dhune dhe nderprerje te perkoheshme te lojes, denohet me 6(gjashte) ndeshje pa tifoze ne stadiumin perkatese si dhe me gjobe me vlere 200.000(dyqindmije) leke, bazuar nenin 66/3.b te KDS. Gjithashtu detyrohet te zhdemtoje demet e kryera nga tifozeria e saj ne sektorin perkates, referuar raportit te hartuar nga administrata e stadiumit “Elbasan Arena”.
2. KF “Tirana”, per hedhje te sendeve te forta dhe flakadaneve ne fushen e lojes nga tifozet e saj, duke shkaktuar akte dhune dhe nderprerje te perkoheshme te lojes,si veprim i perseritur nga ana e tifozerise se ketij ekipi, denohet me zhvillimin e 6(gjashte) ndeshjeve pa pjesemarrjen e tifozeve te ketij ekipi ne ndeshjet qe ky ekip do te zhvilloje si ekip udhetues , bazuar ne nenin 66/3.b te KDS. Ky denim i shtohet denimit te dhene nga ky komision per zhvillimin e ndeshjeve pa tifoz nga ky klub ne fushen e tij. Ekzekutimi i ketij denimi nga klubet pritese, do te realizohet duke mos siguruar vendet e percaktuar ne stadium per tifozerine mike.
3. KF “Tirana”, per hedhje te sendeve te forta dhe flakadaneve ne fushen e lojes nga tifozet e saj, duke shkaktuar akte dhune dhe nderprerje te perkoheshme te lojes,si veprim i perseritur nga ana e tifozerise se ketij ekipi, denohet me gjobe me vlere 200.000(dyqindmije) leke, bazuar nenin 66/3.b te KDS. Gjithashtu detyrohet te zhdemtoje demet te kryera nga tifozeria e saj ne sektorin perkates, referuar raportit te hartuar nga administrata e stadiumit “Elbasan Arena”.
4. Denimi i dhene ne pike 2 te ketij vendimi per KF “Tirana”, i shtohet denimit te dhene ndaj KF “Tirana” per zhvillimin e ndehsjeve pa tifoze ne fushen e saj dhe si rast i perseritur i shkeljeve te renda,bazuar ne nenin 134 te KDS ndalohet konvertimi i ketyre denimve sipas nenit 135 te KDS.
5. Lojtari i KF “Elbasani”, Xhulio Jaupi, per provokim te publikut , denohet me 2(dy) ndeshje pezullim nga aktiviteti, bazuar ne nenin 53 te KDS.
6. KF “Naftetari”, per hedhje te sendeve ne fushen e lojes, duke shkaktuar nderprerjen e perkoheshme te lojes, denohet me zhvillimin e 4 (kater) ndeshje pa tifoze ne stadiumin perkates, bazuar ne nenin 66/3.b te KDS.
7. Lojtari i KF “Naftetari”, Endri Koroveshi dhe lojtari i KF “Sopoti”, Pinto Junior, per goditje me grusht ndaj lojtarit kundershtare, denohen secili me nga 5(pese) ndeshje pezullim nga aktiviteti, bazuar ne nenin 48/1.e te KDS.
8. Lojtari i KF “Skrapari” , Eliner Duro, per sjellje jo sportive te zyrtareve te ndeshjes, denohet me 4(kater) ndeshje pezullim nga aktiviteti, bazuar ne nenin 49/1.a te KDS.
9. KF “Vllaznimi” U-17, per mos paraqitje ne ndeshjen me KF “Burreli” U-17, humbet ndeshjen ne tavoline me rezultatin 3 me 0, bazuar ne nenin 55 te KDS.
10. Ngjarjet e ndodhura ne ndeshjen midis KF “Teuta” U-19 dhe KF “Dinamo” U-19, do te behet mbledhjen e ardhshem te KDS pasi te mblidhet informacioni i nevojshem.

Kunder vendimit mund te behet ankim brenda 3 (tre) diteve ne Komisionin e Apelit.