Kampionati i Kategorisë së Tretë për sezonin futbollistik 2014-2015 nuk ka pushuar, por menjëherë dje ka nisur ndeshjet e javës së dytë. Skuadra shkodrane Djelmnia ka vendosur rekordin e këtij kampionati, por duket se të gjithë sezonit futbollistik në vend, teksa ka fituar 15-0 me Drini FK. Një ndeshje që nuk ka pasur nevojë për koment, sepse që në pjesën e parë, teksa Djelmnia kryesonte thellësisht 9-0, gjërat nuk kishin më diskutim.
Dhe në pjesën e dytë janë shënuar dhe gjashtë gola të tjerë. Sigurisht që Kategoria e Tretë është në nivelin amator. Aq më tepër që është e gozhduar për të luajtur vetëm në kompleksin e ekipeve kombëtare në Kamëz dhe në Akademinë “Internacional” në Pezë-Helmës. Por duke pretenduar që skuadrat kryesuese do të vijnë sezonin e ardhshëm në Kategorinë e Dytë, atëherë duhet më tepër nivel. Rezultati i djeshëm mes Djelminisë dhe Drinit, 15-0, tregon nivelin e dobët të kësaj kategorie.
Duke vijuar po me javën e dytë të kategorisë së tretë në grupin A. Flabina dhe Eagles janë ndarë në barazim 1-1. Ndërkaq me marrëveshjen e të dy skuadrave, por dhe me lejen e Federatës Shqiptare të Futbollit, të paktën edhe sipas faqes në “Facebook” Kategoria e Tretë, ndeshja mes Adës B dhe Akademisë “Albania Ajaks School” në Shkodër do të luhet sot në mesditë në Fushën Sportive “Adriatik” të Velipojë. Ajo që nuk është normale për kampionatin e sivjetëm është fakti që në grupin B, edhe pse është regjistruar Pajova, ende nuk dihet se kur kjo skuadër do të luajë ndeshjen e saj të parë me Sopotin B.
E aq më tepër nuk dihet se kur do të luajë ndeshjen e javës së dytë që sapo ka nisur me Adriatikun 2012. Megjithatë java e dytë e Kategorisë së Tretë ka nisur me rekordin e Djelminisë, 15-0 ndaj Drini FK.
Kategoria e Tretë
Java e dytë
(25-27 nëntor 2014)
Të martën:
Flabina – Eagles 1-1
Drini FK – Djelmnia 0-15
Të mërkurën:
Ada B – AAS (ora 11:00)
Spartaku – Bulqiza (ora 13:00)
Të enjten:
Shkëndija Tiranë – Internacional (ora 11:00)
Sporting Tirana – Kevitan (ora 13:00)
Renditja
Nr. Skuadra N. F. B. H. Gsh-Gp Pikë
- Djelmnia 2 1 0 1 15-1 3
- Bulqiza 1 1 0 0 6-0 3
- Kevitan 1 1 0 0 6-0 3
- Spartaku 1 1 0 0 5-0 3
- Ada Velipojë B 1 1 0 0 4-0 3
- AAS 1 1 0 0 3-0 3
- Shkëndija Tiranë 1 1 0 0 1-0 3
- Flabina 2 0 1 1 1-5 1
- Eagles 2 0 1 1 1-7 1
- Internacional 1 0 0 1 0-5 0
- Sporting Tiranë 1 0 0 1 0-6 0
- Drini FK 2 0 0 2 1-18 0
Grupi B
Java e dytë
(26-28 nëntor 2014)
Të mërkurën:
Sopoti B – Gramshi B (ora 11:00)
Jehona Kozare – Golemi (ora 13:30)
Të enjten:
Rubiku – Fushë-Mbreti (nesër)
Të premten:
Valbona – Jong-Bojs (ora 13:00)
Internacional – Shkëndija Durrës (ora 13:00)
Adriatiku 2012 – Pajova ?
Renditja
Nr. Skuadra N. F. B. H. Gsh-Gp Pikë
- Rubiku 1 1 0 0 4-0 3
- Valbona 1 1 0 0 3-2 3
- Internacional 1 1 0 0 2-0 3
- Golemi 1 1 0 0 1-0 3
- Shkëndija Durrës 1 1 0 0 1-0 3
- Fushë-Mbret 1 0 0 1 2-3 0
- Adriatiku 2012 1 0 0 1 0-1 0
- Jehona Kozarë 1 0 0 1 0-1 0
- Jang-Bojs 1 0 0 1 0-2 0
- Gramshi B 1 0 0 1 0-4 0
- Sopoti B 0 0 0 0 0-0 0
- Pajova 0 0 0 0 0-0 0
