ASNN – Mançester Junajtid pa Murinjon është super, Solskjaer kalon testin e madh me Totenhemin. Pas largimit të Zhoze Murinjos, Mançester Junajtid po i merr rivalët “zvarrë”. Nuk njeh pengesa dhe rezultat tjetër veç fitores. Trajneri Solskjaer vijon vetëm me fitore dhe sot ishte fitorja e 6-të radhazi, një fitore që po e rrit ndjeshëm skuadrën e “Djajve të kuq” në renditjen e Premier Ligës.

Kështu, Mançester Junajtid kaloi me sukses edhe testin më të fortë, duelin me Totenhemin, në një ndeshje e luajtur në Londër. Fitoi skuadra e Solskjaerit me rezultatin 1-0, me një gol të shënuar nga Markus Rashford në minutat e fundit të pjesës së parë. Kjo fitore rrit ndjeshëm vlerat e grupit dhe njëherësh moralin e tij, duke qenë një pretendent që të rivalizojë deri në fund për një vend në 4-shen e të parëve.

Pozicion ky që siguron pjesëmarrjen në Ligën e Kampioneve. Pra, kjo fitore e afron ndjeshëm Mançester Junajtid në renditje me kryesuesit. Me fitoren e sotme ndaj Totenhemit, “Djajtë” shkojnë në 41 pikë, në vend të 6-të, por me pikë të barabarta me Arsenalin e vendit të 5-të. Ndërkohë, vendi i 3-të dhe i 4-t që, mbahen përkatësisht nga Çellsi dhe Totenhemi, kanë 48 dhe 47 pikë.

Pra gara për një pozicion në 4 të parat është e mundur dhe Solskjaer do ta shfrytëzojë pjesën e dytë të sezonit për të arritur maksimumin.

Renditja e Premier Ligës:

1. Liverpul                          57
2. Mançester Siti               50
3. Totenhem                       48
4. Çellsi                               47
5. Arsenal                           41
6. Mançester Junajtid       41
7. Uotford                            32
8. Leister Siti                      31
9. Uest Hem                       31
10. Everton 30
11. Ulverhempton 29
12. Bornmuth 27
13. Brajton             26
14. Kristal Pales 22
15. Bërnli             21
16. Sauthempton 19
17. Kardifi                         19
18. Njukasëll             18
19. Fulham             14
20. Hadërsfilld             11