ASNN – Lionel Mesi dhe Kristiano Ronaldo ishin sërish ndër më të votuarit nga tifozët në internet në votimin për formacionin më të mirë të vitit 2018. Kemi të bëjmë me një përzgjedhje të 11-shes më të mirë nga vetë tifozët dhe për të përcaktuar formacionin ideal të vitit që lamë pas kanë votuar afro 2 milionë njerëz. Nuk ka shumë surpriza, pasi Liga e Kampioneve dhe Botërori i Rusisë janë deri diku përcaktues për përzgjedhjet.

Në këtë formacion dominon Reali i Madridit dhe përfaqësuesja e Francës dhe formacioni i përzgjedhur ngjan mjaft me atë që kishte shpallur FIFA si fitues dhe më të mirët e vitit që kaloi. Kështu, në formacionin më të mirë bëjnë pjesë 4 lojtarë të Realit të Madridit, pa e përfshirë Kristiano Ronaldon, i cili nga shtatori i vitit 2018 është pjesë e Juventusit në Serinë A italiane.

Mirëpo triumfi i tij në Ligën e Kampionëve me Realin ka ndikuar që ai të jetë pjesë e skuadrës më të mirë për vitin 2018. Një ndryshim të madh ka në portë, pasi i përzgjedhuri është është portieri i Barcelonës, Ter Shtegen, ndërsa Virgil Van Dijk plotëson vijën e mbrojtjes me Rafael Varane, Serxhio Ramos e Marcelon, të tre këta lojtarë të Realit.

Në mesfushë është Luka Modriç, fitues i Topit të Artë, Kante nga Çelsi dhe Eden Hazard, kurse në sulm është treshja Kilian Mbape, Lionel Mesi dhe Kristiano Ronaldo.

Formacioni më i mirë i vitit 2018, zgjedhur nga votat:

Në portë: Ter Shtegen

Në mbrojtje: Serxhio Ramos, Varane, Van Dijk, Marselo.

Në mesfushë: Kante, Hazard, Modriç.

Në sulm: Mesi, Ronaldo, Mbape.