ASNN – Brahim Diaz ka realizuar ëndrrën e tij, të jetë një lojtar i Realit të Madridit. Gjatë prezantimit të tij te klubi madrilen ai ka premtuar se do të japë gjithçka, më të mirën e tij për Realin. “Kjo është dita më e rëndësishme në jetën time, – tha 19-vjeçari pasi u prezantuar zyrtarisht në Stadiumin “Santiago Bernabeu”. – Jam pjesë e klubit që unë kam ëndërruar të luaj që kur isha fëmijë.”
“Premtoj se do të jap 100 % që në ditën e parë këtu”, – shtoi Diazi, i cili ka vendosur të largohet nga Mançester Siti për t’u bashkuar me skuadrën e ëndrrave të tij, Realin e Madridit. Ai ka nënshkruar një kontratë 6-vjeçare me kampionët e Evropës. Klubi i Realit të Madridit ka njoftuar se ka rënë dakord të paguajë 17 milionë euro parapagesë për Diazit, pasi kontrata e tij me Mançester Sitin skadon në qershor.
Do të ketë edhe një shtesë prej 7 milionë Eurosh në varësi të paraqitjes. Ai u transferua nga Malaga në Premier Ligë në vitin 2013, por ka luftuar shumë për të gjetur një vend titullari te Siti. Diazi, i cili do të mbajë numrin 21 në fanellë, do t’i bashkohet tek gjignadja madrilene një grupi të talentuar lojtarësh të rinj, të tillë si Asensio, Sebajos, Jorente, etj. Aktualisht Reali po vuan dëmtimin e Bejlit dhe Asensios, ndaj Diazi ka shumë mundësi që të luajë si titullar që në fillim.
