ASNN – Bajerni i Mynihut ka nevojë për të lojtarë të rinj. Duke parë moshën e madhe që kanë disa lojtarë-yje të tij, trajneri i skuadrës bavareze, Niko Kovaç, u ka bërë apel drejtuesve të tij që të sjellin në ekip lojtarë të rinj. Një ndër ta është edhe 18-vjeçari anglez, Odoi, për të cilin Bajerni i ka ofruar Çellsit 33 milionë euro. Trajneri i gjigandes bavareze, Niko Kovaç, ka pranuar se ekipi i tij ka nevojë për “lojtarë të rinj”. Mes spekulimeve të ditëve të fundit, kampionët gjermanë kanë bërë një ofertë prej 33 milionë eurosh për adoleshentin e Çelsit, Odoi.
Kovaçi, ndërsa ndodhet në kampin e trajnimit dimëror të Bajernit në Katar, nuk pranoi të konfirmonte ose mohonte interesin e klubit për yllin 18-vjeçar anglez, por pranoi se nevojiten ndryshime. “Ne gjithmonë kemi nevojë për lojtarë të rinj, – tha Kovaçi. – Është detyra ime dhe puna e drejtorit sportiv të Bajernit të Mynihut, Hasan Salihamixhiç, për të ndryshuar skuadrën, pasi ekipi nuk kemi ndonjë futbollit të ri. Në fakt, ne po kërkojmë për lojtarë të rinj të talentuar, por edhe lojtarë të gatshëm, sepse lojtarët e talentuar të rinj kanë nevojë për kohë për t’u zhvilluar.”
Odoi shihet si një yll i ri i përfaqësueses angleze. Presioni i Kovaçit duhet të tërheqë vëmendjen e drejtuesve të Bajernit, pasi duhen zëvendësuar shumë yje që kane vite në ekip dhe po i afrohen fundit të karrierës së tyre. Dy nga ata lojtarë veteranë, Arjen Roben dhe Fronk Riberi, kanë njoftuar se do ta mbyllin karrierën e tyre në fund të këtij sezoni. Aktualisht, skuadra e Kovaçit mban vendin e dytë në renditjen e Bundesligës gjermane, 6 pikë prapa rivales së përjetshme, Borusias së Dortmundit.
Megjithatë, bavarezët, që kanë fituar çdo kampionat që nga viti 2013, kanë fituar 5 ndeshjet e tyre në kampionat në dhjetor për të vënë pak presion mbi rivalët e tyre. Kovaçi tha se ishte i bindur se skuadra e tij do të vazhdonte të ruante formën e mirë për të vazhduar sfidën e titullit. “Ne kemi lojtarët për të ofruar një gjysmë të dytë të mirë të sezonit dhe ta mposhtim Dortmundin”, – përfundoi ai.
