ASNN – Një rregullore e re dhe e pazakontë kundër nxehtësisë do të prezantohet gjatë ditëve kur do të zhvillohet Turneu i Haput i Tenisit, “Australian Open” në janar. Do të jetë një metodologji që do të përdoret për herë të parë në një Turne Madhor (“Grend Slem”) për të ndihmuar në parandalimin e lodhjes së lojtarëve. Kjo gjë do të bëhet duke u mbështetur në më shumë pajisje për matjen e motit në “Melbërn Park”. Organizatorët thanë se ndoqën “kërkimet dhe testimet e fundit në efektet specifike të stresit të nxehtësisë te lojtarët e tenisit”.
Rregullat e reja do të lejojnë një ndërprerje 10-minutëshe në mes të gejmeve të dyta e të treta në ndeshjet midis femrave. Ndërsa tek meshkujt pushimi do të bëhet pas gejmit të tretë. Kjo do të bëhet kur shkalla e stresit të nxehtësisë të jetë 3-4, ndërsa kur ajo të hkojë në 5 atëherë ndeshja mund të pezullohet. Drejtori i Spitalit Australian, Karolin Broderik tha se shkalla e matjet ka marrë parasysh efektet e nxehtësisë në trupin e njeriut, duke përfshirë stresin maksimal që një sportist mund të përballojë, shkalla e djersitjes së atij personi dhe temperaturën e saj bazë.
“Shkalla gjithashtu llogarit edhe katër faktorët e klimës, temperaturën e ajrit, nxehtësinë rrezatuese ose fuqinë e diellit, lagështinë dhe shpejtësinë e erës”, – vijoi ai. Më parë, organizatorët mund të ndalonin ndeshjet vetëm kur temperatura tejkalonte 40 gradë Celsius dhe Indeksin e Temperaturës së Ujit, i cili përdoret për të vlerësuar stresin e nxehtësisë tek njerëzit kur është 32.5 Celsius. Moti i nxehtë në “Melbërn Park” ka shkaktuar probleme serioze me lojtarët në të kaluarën. Ndër ata që vuajtën në turneun e vitit 2018 ishte Gael Monfils, në një ndeshje kundër Novak Gjokoviçit.
Francezi, i njohur si një nga lojtarët më të fortë në turne, dukej i tronditur dhe i hutuar në ndeshjen e tij të dytë dhe përfundimisht mori ndihmë mjekësore. Një nga vitet më të këqija për shkak të nxehtësisë ka qenë 2014, kur shumë lojtarë ishin në telashe.
