ASNN – Kategoria e Parë e Kampionatit Kombëtar të Futbollit luan takimet e javës së 13-të, të cilat janë shtrirë në 3 ditë, duke nisur nga e shtuna, deri të hënën. Kështu, në grupin A, luhen të shtunën 4 sfida dhe, takimi më i spikatur është ai i Shkodrës, ku Vllaznia do të presë Besëlidhjen.

Kjo ndeshje, që vë përballë shkodranët kryesues me 31 pikë dhe lezhjanët e vendit të 4-t, 13 pikë më prapa, do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga 14:00. Ndërkaq, po të shtunën luhen përballjet Erzeni i Shijakut-Dinamo, Vora-Korabi i Peshkopisë dhe Shënkolli-Burreli.

Kurse java e 13-të e Grupit A mbyllet të hënën pasdreke me ndeshjen Iliria e Fushë-Krujës-Veleçiku i Koplikut. Ndërkaq, në grupin B, të shtunën luhen 4 takimet e para, të cilat janë Egnatia e Rrogozhinës-Pogradeci, Oriku-Tomori, Apolonia-Elbasani dhe Turbina e Cërrikut-Lushnja.

Ndërkaq, takimi i fundit i kësaj jave dhe ai më i spikaturi është dueli i Ballshit midis Bylisit dhe Besës. Kjo ndeshje, që luhet të dielën, duke nisur nga ora 14:00, vë përballë vendasit, kryesues të renditjes me 26 pikë, dhe kavajasit, që mbajnë vendin e dytë, me dy pikë më pak.

Kategoria e Parë

Java e 13-të:

Grupi A

Të shtunën, 15 dhjetor 2018:

Vllaznia – Besëlidhja                                   (13:30)

Erzeni Shijak            – Dinamo                                (14:00)

Vora – Korabi Peshkopi                               (14:00)

Shënkolli – Burreli                                        (14:00)

Të hënën, 17 dhjetor 2018:

Iliria Fushë-Krujë – Veleçiku Koplik          (14:00)

Renditja

Nr.       Skuadra                     N.        F.         B.        H.        Psh-Pp           Pikë

1. Vllaznia                     12        10        1          1          18-4                31
2. Erzeni Shijak                        12          8        0          4          18-9                24
3. Dinamo                      12          6        3          3            9-6                21
4. Besëlidhja                 12          6        0          6          14-13              18
5. Korabi Peshkopi      12          5        2          5          13-14              17
6. Veleçiku Koplik        12          5        1          6          10-12              16
7. Iliria Fushë-Krujë     12          4        3          5          15-12              15
8. Shënkolli                   12          4        2          6          11-14              14
9. Burreli                                    12          4        0          8            8-18              12
10. Vora 12          1        2          9            9-23                5

Grupi B

Të shtunën, 15 dhjetor 2018:

Egnatia Rrogozhinë            – Pogradeci    (14:00)

Oriku – Tomori                                   (14:00)

Apolonia –  Elbasani                                    (14:00)

Turbina Cërrik – Lushnja                (14:00)

Të dielën, 16 dhjetor 2018:

Bylis – Besa                                       (14:00)

Renditja

Nr.       Skuadra                     N.        F.         B.        H.        Psh-Pp           Pikë

1. Bylis                           12        8          2          2          16-6                26
2. Besa                           12        7          3          2          14-7                24
3. Lushnja                     12        5          5          2          14-8                20
4. Pogradeci                  12        6          1          5          17-11              19
5. Egnatia Rrogozhinë            12        6          1          5          12-14              19
6. Apolonia                    12        4          4          4            8-6                16
7. Tomori                        12        4          4          4          13-14              16
8. Oriku                          12        3          5          4          11-11              14
9. Elbasani                    12        2          1          9            8-20                7
10. Turbina Cërrik 12        1          2          9            6-22                5