ASNN – Legjenda e portës dhe kombëtares italiane, Dino Xof, në një intervistë që ka dhënë për “Cittaceleste” ka bërë një “skaner” të portierëve në skuadrat e Serisë A, ku është ndalur me një theks të veçantë tek portierët shqiptarë, Thomas Strakosha dhe Etrit Berisha, duke i vlerësuar me notë të lartë dhe si dy portierë me cilësi, që po bëjnë një punë mjaft të mirë me skuadrat e tyre.

“Strakosha është një portier i mirë, – shprehet legjendari Xof, – dhe ka qenë zgjedhja e duhur që ta ngarkojnë me përgjegjësi. Edhe nëse ka diçka që nuk ka shkuar mirë tek Lacio, nuk është gjëja e duhur që të fajësojmë portierin, sepse loja duhet parë në shumë aspekte të tjera.”

Më pas, i pyetur nëse Lacio ka gabuar që ka larguar Berishën (i cili shkëlqen me Atalantën), Dino Xof ka përgjigjen gati: “Sipas meje, edhe Strakosha, edhe Berisha,  janë të dy portierë të mirë, me shumë cilësi. Sinqerisht, unë nuk shoh diferenca midis tyre, të dy janë portierë të nivelit të lartë.”