ASNN – Edhe niveli i dytë i Kampionatit Kombëtar të Basketbollit për Meshkuj, që njihet ndryshe si Kategoria e Parë, ka luajtur në fundjavë ndeshjet e javës së 9-të dhe dy ekipet private, “Tirana Eagles  Basket” (TEB) dhe Invejdërs, kanë vijuar duelin në distancë për një vend në Superligë. Dy skuadrat kryeqytetase prej 4 javësh vijojnë sfidën dyshe për kreun e Kategorisë së Parë.

Pozicion që do t’i kualifikonte direkt në Superligë sezonin e ardhshëm, ndërsa vendi i dytë do të përballet më një duel shtesë me të 5-ën e nivelit më të lartë të koshit shqiptar të meshkujve. Të dyja këto skuadrat fituan edhe në takimet e javës së 9-të, duke u shkëputur ndjeshëm nga ekipet e tjera rivale. TEB-i mundi pa shumë probleme 97-79 Apoloninë në kryeqytet.

Ishte një ndeshje e dominuar nga skuadra vendase, duke bërë një paraqitje të mirë në fushë. Pa probleme ka fituar edhe ekipi i Invejdërs, që mundi 95-72 Skënderbeun në Tiranë, ndeshje që ishte një formalitet për basketbollistët e trajnerit Mikel Serbo. Një fitore për statistikë korri ekipi i Flamurtarit, që mposhti 83-73 Elbasanin në fushën e këtij të fundit, dy skuadra që ndodhen në mesin e artë dhe larg kreut.

Kampionati Kombëtar

i Basketbollit – Meshkuj

Kategoria e Parë

Java e 9-të:

Invejdërs – Skënderbeu                  95-72

Elbasani – Flamurtari                       73-83

Tirana Eagles Basket – Apolonia  97-79

Renditja

Nr.       Skuadra         N.        F.         H.        Psh-Pp           +/-        Pikë   

1. TEB                9          8          1          842-687         155     17
2. Invejdërs        9          8          1          716-660           56      17
3. Flamurtari      9          4          5          603-659         -56     13
4. Skënderbeu  9          3          6          642-676         -34     12
5. Elbasani        9          3          6          629-716         -87     12
6. Apolonia        9          1          8          649-683         -34     10