ASNN – Të dielën u luajtën ndeshjet e ditës së 3-të të Kupës së Shqipërisë në Volejboll për Meshkuj. Në grupin A, u zhvillua një prej dueleve më të forta e njëherësh një përplasje direkte për vend të parë në këtë grup, ku Partizani e Vllaznia dhuruan emocion, spektakël dhe luftë për çdo pikë. Të dyja skuadrat kishin siguruar më parë kalimin në gjysmëfinale, sepse i kishin fituar duelet përkatëse ndaj Elbasanit dhe Skënderbeut që kishin në grupin e tyre, kështu që lufta direkt midis tyre ishte thjesht për vendin e parë dhe njëherësh për krenari.

Dy setet e para të ndeshjes ishin mjaft të fortë, ku herë njëra skuadër e herë tjetra merrnin epërsinë, por arritën të shkonin dhëmb për dhëmb deri në pikën e fundit. Setin e parë e fituan shkodranët 25-23, kurse të kuqtë kryeqytetas fituan setin e dytë me shifrat 26-24. Barazim 1-1 me sete dhe në dy setet e tjera Partizani u tregua më këmbëngulës dhe ia doli të fitonte përkatësisht me shifrat 25-12 dhe 25-18. Krejt ndeshja shkoi në favor të skuadrës së trajnerit Ylli Tomori, që ia doli t’i imponohet njërës prej skuadrave më të forta të volejbollit shqiptar, Vllaznisë.

Një skuadër që deri dje konsiderohej e pathyeshme. Ndërkohë, ndeshja tjetër e këtij grupi, ajo mes Skënderbeut dhe Elbasanit, u fitua nga skuadra korçare me rezultatin 3-0, ku diferenca në të 3 setet ishte në favor të ekipit të Skënderbeut. Me këtë fitore Skënderbeu e mbyll në vend të tretë me 3 pikë me setaverazh 3-6, kurse Elbasani mbetet i fundit në grupin A, me 0 pikë, me 0 sete të fituar e 9 të pësuar. Duhet theksuar se, sidomos në sfidën ndaj Partizanit, skuadra korçare mund të kishte marrë më tepër dhe mund të kishte ndërlikuar betejën për kualifikim në këtë grup.

Kupa e Shqipërisë

Volejboll – Meshkuj

Grupi A

Dita e parë, 7 dhjetor 2018:

Vllaznia – Elbasani              3-0

(25-14, 25-14, 25-18)

Partizani – Skënderbeu       3-0

(25-21, 27-25, 26-24)

Dita e dytë, 8 dhjetor 2018:

Vllaznia – Skënderbeu        3-0

(25-16, 26-24, 25-20)

Elbasani – Partizani             0-3

(18-25, 21-25, 13-25)

Dita e 3-të, 9 dhjetor 2018:

Elbasani – Skënderbeu       3-0

(25-19, 25-19, 25-15)

Partizani – Vllaznia              3-1

(23-25, 26-24, 25-12, 25-18)

Renditja

Nr.       Skuadra         N         F          H         Setet   Pikë

1. Partizani        3          3          0          9-1      9
2. Vllaznia         3          2          1          7-3      6
3. Skënderbeu 3          1          2          3-6      3
4. Elbasani        3          0          3          0-9      0