ASNN – Peqinasit e nisin mjaft mirë lojën, pasi fillojnë të sulmojnë që në minutat e para dhe përpjekjet e tyre konkretizohen me gol shumë shpejt. Dervishi merr një top të bukur nga Isai dhe me një harkim mbi portierin Haxho e ka dërguar topin në rrjetë.

1-0 dhe Shkumbinin merr frymë lirisht, kurse Butrinti ka qenë i detyruar që ta nisë lojën në disavantazh të shpejtë. Miqtë mundohen të shtyjnë përpara dhe rastet e pastra për shënim për të ndryshuar shifrat e rezultatit nuk kanë munguar.

Nga ana tjetër, vendësit me Llucën dhe A. Maganin përpiqen që të dyfishojnë shifrat, por pa rezultat. Në fraksionin e dytë të lojës janë sërish vendësit e Gjylës që shfaqen më rrezikshëm në zonë, por A. Magani tregohet i pasaktë në rastet që i krijohen.

Në tërësi e gjithë pjesa e dytë ka qenë një dominim më i madh nga ana e peqinasve, por që nuk ia kanë dalë dot që të shënonin golin e dytë. Megjithatë në fund është Shkumbini që fiton, duke u ngjitur disi më tej në klasifikim, ndërsa sarandjotët humbin terren në kreun e renditjes.

Shkumbini – Butrinti                        1-0

Shënues: R. Dervishi 10’

Shkumbini: Ajazi, Lundraxhiu, Turhani, E. Magani, Lundraxhiu, Lluca, Kuci (Xhyra 75′), Isai, Sulkja (A. Lundraxhiu 16′), Dervishi, A. Magani. Trajner: Ilir Gjyla.

Butrinti: Haxho, Xhuvani, Xhibro, Alzeneli, Aleksi, Meçani, Allmeta (Nela 70′), Muço, Dorti (Rapa 50′), Rugji, Dhrami (Bazaj 60′). Trajner: Mustafa Hysi

Gjyqtarë: E. Demiraj, K. Korreshi, A. Mema (Pogradec)

Kartonë të verdhë: Isai, Lluca / Xhuvani, Aleksi