ASNN – Jurgen Klop deklaron pa mëdyshje: “E kishim nënvlerësuar Shaqirin, është më i mirë nga sa e dinim”. Trajneri i Liverpulit, gjermani Jurgen Klop, ka befasuar tërësisht sot me deklaratat e tij në lidhje me shtatshkurtërin shqiptar Xherdan Shaqiri.

Pas golit të fundit të shënuar nga futbollisti nga Kosova në duelin e fituar ndaj Fulhamit 2-0, Klopi thotë se e kishin nënvlerësuar “xherdanin shqiptar” dhe se në realitet ai ishte shumë më i mirë nga sa e dinin shumë njerëz.

Kur u pyet nga gazetari i faqes zyrtare të klubit anglez nëse Shaqiri i ka përmbushë pritshmëritë, trajneri i Liverpulit ka thënë: “Po, majde edhe i ka kaluar ato. Çfarë mund të them?”

“Ai është një lojtar fantastik në fazën e sulmit, kjo është një shumë e mirë dhe ai e di se ka potencial për t’u përmirësuar edhe më tutje, – ka vijuar ai. – Por, natyrisht, ai është djaloshi i duhur për momentet vendimtare.”

“Kështu është për momentin dhe ne duhet të sigurohemi se do të mbetet kështu. Ai bëri një paraqitje tjetër shumë të mirë dhe shënoi një gol fantastik”, – ka përfunduar trajneri i Liverpulit, Jurgen Klop.