Sekretari Mikerezi: Rezultatet janë të mira, veçanërisht ai i Pepës në pushkë për femra. Dhe pas takimit të rastit, fjalën e kanë pasur garat, ndërsa në konkurrim kanë qenë gati 30 qitës, atje ku gjithçka ka përfunduar rreth pasdites. Për rezultatet e kësaj veprimtarie Mikerezi ka treguar se janë të mira.

“Nuk mund të themi shumë të mira, por të mira për kushtet në të cilat zhvillohet sporti i qitjes, – ka pohuar ai. – Por veshjet e reja që kanë marrë, apo dhe gjithçka tjetër, duket se e kanë bërë efektin e tyre. Ka rezultate të mira si ai i Lumturi Pepajt, që është rekord kombëtar.”

“Nga 383 pikë në Kampionatin Ballkanik të 2005-ës, tashmë është 384 pikë, – ka theksuar nr. dy i organizmit që qeveris qitjen shqiptare, Koço Mikerezi. – Ndërkohë që rezultati i mirë është dhe ai i Cerinës. E rëndësishme është se ky sport është duke u mbajtur gjallë në kushte të vështira”.

Dhe e vërteta është se qitësit e Studentit kanë dominuar në qitje me pistoletë ajër meshkuj dhe femra, si dhe në pushkë femra ajër. Kurse për meshkuj vendin e parë e kanë marrë kosovarët.

Rezultatet teknike

të Kupës së Çlirimit – Qitje

Pistoletë – Femra

1)         Aida Mustafaj (Studenti)     371 pikë

Pistoletë – Meshkuj

1)         Arben Cerina (Studenti)     556 pikë

Pushkë – Femra

1)         Lumturi Pepaj (Studenti)    384 pikë

Pushkë – Meshkuj  

1)         Florind Ymeri (Kosovë)       548 pikë