ASNN – Kampionia në fuqi e basketbollit të femrave, Flamurtari, ka bërë nisje më të dobët në këto 10 vitet e fundit, duke fituar vetëm 2 dhe duke i humbur 3 ndeshjet e para të këtij sezoni.

Për trajnerin Viron Toska, kjo ka ardhur për arsye që burojnë nga jashtë parketit. Trajneri vlonjat i koshit të femrave madje akuzon edhe gjyqtarët për njëanshmëri në parket.

Madje kampioni i shumëfishtë i basketbollit të femrave nuk ngurron të tregojë me gisht edhe protagonistët e këtij “komploti anti-Flamurtar”, sipas tij. Megjithatë, trajneri është i ndërgjegjshëm edhe për defektet e skuadrës së tij.

Aktualisht, renditjen e grupit A të Kategorisë së Parë të basketbollit të femrave e kryesojnë dy ekipet e Tiranës.