ASNN – Me takimin midis Vllaznisë dhe Flamurtarit, që është luajtur sot në Shkodër duke nisur nga ora 17:00, dhe është fituar nga vendasit me një gol të vetëm, ka ngritur siparin jave e 13-të e Kategorisë Superiore të Kampionatit Kombëtar të Futbollit.

Vllaznia e ka festuar me fitore rikthimin e tifozëve në stadium. Ekipi shkodran ka mundur Flamurtarin me rezutatin 1-0, ndërsa klubi ka shlyer me gjobë pjesën e mbetur të takimeve që duheshin zhvilluar me dyer të mbylluara për shkak të incidenteve në ndeshjen me Tiranën.

Shënues në këtë sfidë ka qenë Arsen Hajdari në fillmin e pjesës së parë. Vlonjatët kanë barazuar në çastet e fundit, por goli i tyre është anuluar. Këto janë pikët e para të Vllaznisë pas 6 javësh.

Ndeshjet e tjera të kësaj jave luhen të dielën dhe, duke nisur nga ora 14:00, Laçi pret në fushën e vetë Teutën, ndërsa po në të njëjtën orë, Apolonia është mysafire në Korçë, për t’u ndeshur me Skënderbeun.

Dy takimet e fundit të javës së 13-të luhen duke nisur nga ora 17:00, dhe në “Elbasan Arena”, skuadra vendase, që mban fundin e renditjes, do të përballet me Tiranën, që kryeson së bashku me Kukësin.

Ndërsa në kryeqytet, në Stadiumin Kombëtar “Qemal Stafa”, Partizani do të presë Kukësin, në takimin që do të sillet për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar.

Të kuqtë kryeqytetas mbajnë vendin e tretë të renditjes, me 24 pikë, një më pak sesa Kukësi, që ndan kreun e renditjes me Tiranën. Duke qenë bardheblutë janë mysafirë në Elbasan për t’u ndeshur me skuadrën që mbyll fundin e renditjes dhe fitorja është e pritshme, takimi i kryeqytetit merr një vlerë të dyfishtë.

Kjo sepse një barazim në kryeqytet dhe një fitore e Tiranës në Elbasan i shkëput edhe më tepër bardheblutë në krye të renditjes, duke e lënë edhe më prapa Kukësin dhe Partizanin.

Kategoria Superiore

Java e 13-të

Të shtunën, 22 nëntor 2014:

Vllaznia – Flamurtari                        1-0

Shënues: A. Hajdari 6’

Të dielën, 23 nëntor 2014:

Laçi – Teuta                           (14:00)

Skënderbeu – Apolonia      (14:00)

Elbasani – Tirana                 (17:00)

Partizani – Kukësi                (17:00)

Renditja

Nr.       Skuadra         N.        F.         B.        H.        Gsh-Gp          Pikë

1. Tirana 12        7          4          1        15-5                25
2. Kukësi 12        8          1          3        15-8                25
3. Skënderbeu 12        7          3          2        15-4                24
4. Partizani 12        7          3          2        10-5                24
5. Laçi             12        4          4          4        12-10              16
6. Flamurtari 13        3          6          4        10-9                15
7. Teuta 12        4          1          7        11-12              13
8. Vllaznia * 13        4          2          7        9-15              11
9. Apolonia 12        2          2          8        4-19              8
10. Elbasani 12        2          0          10        6-20              6