Ashtu sikurse ishte lajmëruar dhe më parë, në ambientet e Federatës Shqiptare të Basketbollit, dje në mesditë, është hedhur shorti i turit çerekfinal të Kupës së Shqipërisë, ndeshjet e të cilëve luhen më 2-3 dhjetor.

Nëse tek femrat janë 8 skuadra, të cilat marrin pjesë në të njëjtin grup, tek meshkujt, 6 ekipeve të Kategorisë Superiore u është shtuar dhe Elbasani e Studenti, të kualifikuara nga turi para-eliminator, që u mbajt më 7 dhe 9 nëntor.

Përgjithësisht, edhe nga ndarja e çifteve, nuk është se pritet ndonjë surprizë në çerekfinale, ndërsa duket se në gjysmëfinalet e finalet më 18-20 dhjetor, si për meshkuj, ashtu dhe për femra, do të kualifikohen katër skuadrat që kryesojnë aktualisht kampionatin.

Fituese në fuqi të Kupës së Shqipërisë në basketboll për meshkuj e për femra janë Vllaznia e Flamurtari, të cilat kanë mundur vitin e kaluar Tiranën.

Kupës së Shqipërisë

Basketboll – Meshkuj

Shorti i turit çerekfinal:

Vllaznia – Elbasani

Kamza Basket – Flamurtari

Tirana – Studenti

Partizani – Apolonia

Kupës së Shqipërisë

Basketboll – Femra

Shorti i turit çerekfinal:

Flamurtari – Elbasani

Apolonia – Skënderbeu

Tirana – Studenti

Kamza Basket – Vllaznia