ASNN – Në basketbollin e meshkujve u luajtën dje dy ndeshje, të cilat prodhuan rezultate të frikshme sa u përket diferencave në shifra. Kështu, Partizani fitoi derbin me Kamzën me shifrat 100-58, një duel ku ishte pritej më shumë nga Kamza. Në fillim, ndeshja ishte e barabartë, por kjo ndodhi vetëm në minutat e para.

Kjo pasi, në të tri pjesët në vijim, skuadra e drejtuar nga trajneri Arben Fagu e dominoi ndeshjen dhe e fitoi atë me shifrat 100-58, duke dëshmuar se është ekip me pretendime në koshin e meshkujve në këtë fazë të parë të edicionit. Me shifra të thella fitoi dje dhe Teuta, në Durrës, aty ku mundi Vllazninë me rezultatin 101-46.

Ishte një ndeshje kjo që foli vetëm për “Djemtë e detit”. Në të vërtetë shkodranët ishin dominues vetëm në pjesën e parë, kurse në të 3 pjesët e tjera, Teuta ishte e papërmbajtshme.  Një fitore me meritë për durrsakët, të cilët vinin nga një humbje në javën e parë me Partizanin.

Ndërkohë, sot do të luhet ndeshja tjetër e kësaj jave, midis Goga Basket dhe Tiranës, e cilësuar edhe si një kryendeshje, nisur nga pozitat e skuadrave dhe kapacitetet e tyre teknike. Natyrisht, Tirana nuk është më ajo skuadra që fitoi kampionatin vjet, ndërsa skuadra durrsake ka ngritur një ekip cilësor.

Kampionati Kombëtar

i Basketbollit – Meshkuj

Superliga

Java e dytë

Të premten:

Teuta-Vllaznia                      101-46

Kamza-Partizani                  58-100

Të shtunën:

Goga Basket – Tirana          (17:00)

Renditja

Nr.       Skuadra         Pikë

1. Partizani 4
2. Teuta 3
3. Goga Basket 2
4. Tirana 2
5. Kamza 2
6. Vllaznia 2