ASNN – Të premten në mbrëmje u luajtën disa ndeshje të Ligës së Kombeve, ku padyshim ra në sy fitorja në grupin e dytë të Divizionit A e Belgjikës, e cila mundi Zvicrën e shqiptarëve Xhaka e Shaqiri me shokë, me rezultatin 2-1.

Vendimtar në këtë sfidë ishte padyshim sulmuesi belg Romelu Lukaku, i cili shënoi dy golat e fitores belge në minutat 58-të dhe të 84-t. Për zviceranët barazoi përkohësisht Gavranoviçi në minutën e 76-të.

Kjo ndeshje vërtetoi dhe një herë tjetër se Belgjika është një prej skuadrave më të forta të kontinentit dhe po kalon një moment të mirë. Në ndeshjet e tjera të mbrëmjes, spikati barazimi në grupin e katërt të Divizionit A, midis Kroacisë ndaj Anglisë, 0-0, në një stadium të boshatisur.

Natyrisht, anglezët nuk ia dolën të hakmerren për eliminimin që u bëri Kroacia në Botërorin e Rusisë. Me vlerë ishin dhe fitoret e Greqisë në Ligën C kundër Hungarisë (1-0), apo dhe fitorja e Austrisë po 1-0 ndaj Irlandës së Veriut në Divizionin B.

Liga e Kombeve

(12 tetor 2018)

Liga A

Grupi 2

Belgjikë – Zvicër                    2-1

Grupi 4

Kroaci – Angli                                    0-0

Liga B

Grupi 3

Austria – Irlandë e Veriut     1-0

Liga C

Grupi 2

Estoni – Finlandë                 0-1

Greqi – Hungari                    1-0

Liga D

Grupi 2

Bjellorusi – Luksemburg      1-0

Moldavi – San Marino          2-0