ASNN – 24-vjeçarja Ollga Uglenko ka mbërritur ditët e fundit pranë skuadrës së Partizanit dhe, duke folur për Rrjetin e Radio-Televizionit Shqiptar, rrëfen përshtypjet e para në volejbollin shqiptar të femrave. Ukrainasja i ka të qarta pritshmëritë e saj me Partizanin si kampione në fuqi.

Ollga Uglenko është e huaja më e fundit që zbret në parketin shqiptar si përforcimi kryesor i këtij sezonit të Partizanit të volejbollit të femra. 24-vjeçarja ka mbërritur ditët e fundit pranë skuadrës së kuqezi dhe, duke folur për Rrjetin e Radio-Televizionit Shqiptar, rrëfen përshtypjet e para.

“Kam vetëm pak ditë këtu, por ndjesia e fillimi është që më pëlqen Shqipëria, – ka pohuar ajo. – Edhe mjedisi i skuadrës këtu më pëlqen dhe si trajneri Tarja dhe ndihmësit e tij, ashtu edhe shoqet e skuadrës po më ndihmojnë të përshtatem sa më shpejt . Sidoqoftë, ndjesia e përgjithshme është e mirë.”

24-vjeçarja i ka të qarta pritshmëritë e saj me Partizanin. “E di që Partizani është kampionia në fuqi e Shqipërisë dhe kjo ishte një nga arsyet që më bindi të vij këtu, – ka thënë Uglenko. – Kam ardhur të jap kontributin tim për ta ndihmuar këtë skuadër të përsëritë suksesin e vjetshëm dhe besoj që kjo është e mundur.”

Volejbollistja 1 m e 85 cm e lartë shpreson që kjo përvojë ta pasurojë edhe më tepër profesionalisht. “Gjatë karrierës sime ka luajtur në Ukrainë, por edhe në Finlandë dhe sezonin e shkuar e kam ndarë midis Izraelit dhe Azerbajxhanit”, – ka rrëfyer ukrainasja që luan në pozicionin 4.

“Kam besim se edhe kjo aventurë tek Partizani do të më ndihmojë ta rris edhe më tepër nivelin e lojës sime, – ka përfunduar Ollga Uglenko. Partizani e ka nisur sezonin e ri të volejbollit shqiptar me një fitore në 3 sete ndaj Skënderbeut në kryeqytet, duke marrë kreun e renditjes pas javës së parë.