Ai është vetëm 90 centimetra i gjatë, por i ka tepër të dukshme muskujt, fuqinë dhe këmbët. Bëhet fjalë për “Mikroman”, yllin më të vogël të mundjes profesionale meksikane. Mundja e lirë në Meksikë, është shumë e përhapur. Ai është sport argëtimi. Një brez i ri yjesh po rriten aty me ëndrrën që një ditë të bëhen kampionë të këtij sporti. “Mikroman” u përpoq në Meksiko Siti, së bashku me yjet, “El Gajito” dhe “Guapito”, të krijonin një ekip të vogël mundësish.
Ai dhe shokët e tij “Mikro Yjet” arritën t’i bindnin skeptikët kur hyri në ring, u ngjit mbi litar, që ishte tre herë më i lartë se ai, për të ekzekutuar një kërcim. Mundësi xhuxh bëri një lëvizje akrobatike të njohur si lëvizja “Zero Gravity”, duke mahnitur të pranishmit. “Mikromani është një mundës që jep gjithçka që ka për të kënaqur turmën”, – tha ai, duke iu referuar vetes. Në natën e dytë ai bëri 4 ndeshje, duke i fituar të gjitha”. Mikromani është djali i Kemonitos, i cili ishte gjithashtu një mundës mizor.
Por kishte një karrierë shumë të ndryshme. Për 30 vjet, Kemonito ishte një “maskë” për mundësit e tjerë që i fillonte ndeshjet në mënyrë komike për t’u hedhur më pas në aksion. Por kushtet për të zhvilluar mundjen e lirë, janë tepër të vështira. Brezi i Kemonitos nuk kishte asnjë sigurim shëndetësor apo përfitime të tjera, por vazhdoi të ushtronte këtë sport në mungesë të opsioneve të tjera. Madje disa prej tyre ishin të paralizuar. E njëri kreu vetëvrasje. Tani ata janë si idhuj, jo maskota apo humoristë.
