ASNN – Ndonëse ishte një humbje e hidhur, trajneri i Teutës, Blendi Shkëmbi, e ka të qartë tashmë se çfarë e shkaktoi atë humbje të javës së 4-t në fushën e vet me Kukësin.
Sfida e radhës është Luftëtari dhe korçari i stolit durrsak nuk pranon të ndikohet nga nisja e keqe që skuadra gjirokastrite i ka bërë sezonit. Trajneri i Teutës do të vendosë në çastet e fundit sa i përket formacionit për sfidën me gjirokastritët.
Luftëtari ia ka besuar stolin Gentian Mezanit, por Shkëmbi thekson se fusha do të tregojë sesa do të ndikojë ky ndryshim trajneri tek gjirokastritët. Takimi Luftëtari-Teuta luhet të shtunën pasdite në Gjirokastër, duke nisur nga ora 15:45.
