ASNN – Sektori i Garave në Federatën Shqiptare ka publikuar të mërkurën skemën, datat dhe çiftet, me turet përkatëse, deri në finalen e edicionit 2018-2019 të Kupës së Shqipërisë. Në fakt, do të nisë më 2 shtator 2018 e mbyllet më 30 maj 2019 beteja për të sfiduar Skënderbeun si fituese në fuqi të trofeut të veprimtarisë së dytë të futbollit në vend.
Kështu, veprimtaria e dytë e futbollit në vend, Kupa e Shqipërisë, ka përvijuar edhe rrugëtimin e edicionit të saj të ri, që do të jetë edhe edicioni i 67-të i saj. Kjo Kupë e nisi rrugëtimin e saj në vitin e largët 1939, me edicionin e saj të vetëm të paraluftës si Kupa e Mbretit, për të vijuar më 1948-tën si Kupa e Republikës dhe për të marrë emrin aktual Kupa e Shqipërisë në vitin 1991 dhe fituese në fuqi është Skënderbeu.
Sektori i garave ka publikuar të mërkurën skemën, datat dhe çiftet, me turet përkatëse, deri në finalen e edicionit 2018-2019 të Kupës së Shqipërisë. Takimet e turit të parë, ato të turit paraeliminator, do të luhen më datë 2 shtator me një takim të vetëm, ndërsa ndeshjet e turit tjetër, atij të 32-shes, do të zhvillohen në datat 12 dhe 26 shtator 2018. Ekipet e kualifikuara për në turin tjetër, atë të 3-shes do të luajnë ndeshjet me sistem vajtje-ardhje, sipas skemës përkatëse, të ndarë në dy grupe, A dhe B.
Duhet theksuar se ky short ka shmangur në këtë fazë përballjen me njëra-tjetrën të 10 ekipeve të Kategorisë Superiore. E njëjta skemë, pra, me ndarjen në dy grupe dhe me sistem vajtje-ardhje, do të zbatohet edhe në turin tjetër, atë të 16-shes, që i luan ndeshjet më datë 23 janar 2019 dhe 06 shkurt 2019, por edhe më pas, për turin çerekfinal, që i luan ndeshjet më datë 13 mars 2019 dhe 27 mars 2019, për t’ia lënë më pas fjalën gjysmëfinaleve.
Për përcaktimin e çifteve gjysmëfinaliste do të hidhet short i lirë ndërmjet 4 ekipeve të kualifikuara në këtë tur, ndeshjet e të cilit do të zhvillohen me sistem vajtje-ardhje, përkatësisht në datat 24 prill 2019 dhe 08 maj 2019. Finalja e Kupës së Shqipërisë do të luhet në datë 30 maj 2019.
Kupa e Shqipërisë 2018-2019
(Edicioni i 67-të)
Turi Paraeliminator
(Datë 02.09.2018)
Grupi A
Veleçiku – Klosi (A1)
Grupi B
Elbasani – Oriku (B1)
Turi i 32-shes
(Datë 12.09.2018 dhe 26.09.2018)
Grupi A
Fitues i çiftit A1 – Skënderbeu (A1)
Vora – Luftëtari (A2)
Tërbuni Pukë – Partizani (A3)
Besa – Kamza (A4)
Burreli – Vllaznia (A5)
Korabi – Kastrioti (A6)
Dinamo – Egnatia (A7)
Besëlidhja – Erzeni (A8)
Grupi B
Fitues i çiftit B1 – Kukësi (B1)
Naftëtari – Laçi (B2)
Shkumbini – Flamurtari (B3)
Turbina – Teuta (B4)
Shënkolli – Lushnja (B5)
Iliria Fushë-Krujë – Tirana (B6)
Tomorri – Bylis (B7)
Pogradeci – Apolonia (B8)
Turi i 16-shes:
(Datë 23.01.2019 dhe 06.02.2019)
Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje sipas skemës së mëposhtme:
Grupi A
A8 – A1 (C1)
A7 – A2 (C2)
A6 – A3 (C3)
A5 – A4 (C4)
Grupi B
B8 – B1 (T1)
B7 – B2 (T2)
B6 – B3 (T3)
B5 – B4 (T4)
Çerekfinalet:
(Data 13.03.2019 dhe 27.03.2019)
Ekipet e kualifikuara në fazen e tretë eliminatore,
do të luajnë ndeshjet me sistem vajtje-ardhje
sipas skemës së mëposhtme:
Grupi A
C4 – C1
C3 – C2
Grupi B
T4 – T1
T3 – T2
Gjysmëfinalet:
(Data 24.04.2019 dhe 08.05.2019)
(Për përcaktimin e çifteve gjysmëfinaliste hidhet short i lirë ndërmjet 4 ekipeve të kualifikuara në këtë fazë)
Finalja
(Datë 30 maj 2019)
