ASNN – Kroacia ndodhet në grupin D të Botërorit “Rusi 2018”, së bashku me Argjentinën, Nigerinë dhe Islandën, por skuadra vjen në këtë Botëror pas një skandali që ka shpërthyer së fundmi. Futbollistit i Realit të Madridit, Luka Modriç, së bashku me atë të Liverpulit, Dejan Lovren, ishin dëshmitarë në gjyqin Zdravko Mamiçit, ish-kreut të Dinamos së Zagrebit, të dënuar me 6 vjet e gjysmë burg për abuzim dhe korrupsion, por akuzohen për dëshmi të rreme.
Vetëm pak orë pasi ka zbarkuar në Rusi, Kroacia ka zhvilluar një seancë stërvitore në një nga stadiumet e Shën Pjetërburgut. Pavarsisht se ylli i mesfushës dhe kapiteni Luka Modriç janë akuzuar për dëshmi të rreme në çështjen e Zdravko Mamiçit, ish-kreut të Dinamoz së Zagrebit, të dënuar me 6 vjet e gjysmë burg për abuzim dhe korrupsion, sulmuesi Andrej Kramariç këmbëngul se këto ngjarja nuk ndikojnë tek skuadra. “Atmosfera në skuadër është e jashtëzakonshme”, – thotë ai.
“Nuk mendoj se çështjet jashtë saj, që ju i përmendët këtu, ndikojnë sadopak edhe tek skuadra, – ka vijuar futbollisti kroat. – Unë ndjej solidaritet dhe unitet në skuadër. Ne po përgatitemi për një ndeshje futbolli dhe është e rëndësishme ta nisim mirë.” Kramariçi thotë se skuadra është e gjitha në mbështetje të futbollistit të Realit të Madridit, i cili, së bashku me atë të Liverpulit, Dejan Lovren, ishin dëshmitarë në gjyqin e Mamiç, por akuzohen për dëshmi të rreme.
“Luka është është padyshim një lojtar shumë i rëndësishëm për skuadrën, – thekson sulmuesi. – Ai është një nga lojtarët më të mirë në botë, dhe jo vetëm si mesfushor. Po aq sa ai e ndihmon skuadrën, po aq e gjithë skuadra do që ta ndihmojë atë, sepse një rezultat i mirë me përfaqësuesen e Kroacisë do të ishte gjithashtu kurorëzimi i karrierës së tij. Prandaj kjo është një shtysë e madhe për të gjithë skuadrën dhe ai është një lojtar që i bën të gjithë të tjerët më të mirë në fushën e blertë.”
Sa i përket Botërorit, Kramariç shpreson që Kroacia të ketë më tepër fat. “Natyrisht që e gjithë skuadra është e zhgënjyer sesi përfundoi për ne Evropiani i 2016-ës, duke patur parasysh sesi luajti Kroacia në fazën e grupeve, – thotë Kramariçi. – Ne kemi ndjesinë se e meritonim të luanim edhe në finale, por, ngandonjëherë, në sport të duhet edhe ca fat. Që, në Francë, na mungoi.” Kroacia ndodhet në grupin D të Botërorit “Rusi 2018”, së bashku me Argjentinën, Nigerinë dhe Islandën.
