ASNN – Shqipëria e volejbollit të meshkujve nuk ka rezistuar ndaj Hungarisë, edhe pse e kishte fituar më 23 maj 2018 ndeshjen e parë në Budapest të vlefshme për grupin e argjendtë të Ligës së Evropës. Përtej përmbysjes, nga disavantazhi 0-2 në 2-2, kuqezinjtë nuk kanë përballuar setin e 5-të.

Hungaria, në dukje një kundërshtar i dobët, ka bërë mirë jo vetëm në bllok, por dhe në sulm. Sidomos me Bozokin në pozicionin katër, apo dhe Zhabon e Nagin në tresh, e më vonë dhe me Blazoviç në pozicionin katër. Gjithçka është meritë e organizatorit Kazhap, kurse hungarezët, të paktën deri në momentin që Melka ka vendosur ta nisë lojën me Arapin, kanë shfrytëzuar maksimalisht shtatshkurtësinë e Deliut në bllok.

Atje ku jo pak Bozoki ka bërë “kërdinë”. Në të tilla kushte, teksa me vështirësi kanë hyrë në lojë dhe “legjionarët” Husaj, Qafarena dhe Koçi, Shqipëria e ka pasur të pamundur të bëjë më të mirë. Ndaj është detyruar të përulet përpara Hungarisë, që gjithsesi ka traditë të mirë në volejboll.

Liga e Argjendtë e Evropës 2018

Volejboll – Meshkuj

Grupi B

Renditja

Nr.       Skuadra         N.        F.         H.        Setet               Pikë

1. Kroacia          5          4          1          13-4                12
2. Bjellorusia     5          4          1          13-4                12
3. Shqipëria       5          1          4            5-13              4
4. Hungaria       5          1          4            4-14              2