ASNN – Tiranës në basketboll për femra i ka mjaftuar 6 minuta për të përmbysur disavantazhin dhe për të fituar ndaj Skënderbeut. Korçaret kanë kryesuar për 34 minuta, ndërsa në fund kanë lëshuar dhe ia kanë “falur” lojën Tiranës. Lojë e dobët e mikeshave në 3 pjesët e para, teksa në 10-minutëshin e fillimit, falë edhe 3-pikëshave të Gjikës dhe Llazarit, bën që Skënderbeu të kryesojë 20-14.
Edhe pjesa e dytë ka thuajse të njëjtën pamje, teksa Skënderbeu shkëputet, fillimisht në 28-18, pastaj 35-24 dhe i mbyll 20 minutat e para, me shifrat 38-31. Pas pushimit, janë mikeshat që kujtohen dhe duhet thënë se në 7 minuta lojë në këtë pjesë lojë, Skënderbeu nuk shënon dot asnjë edhe një pikë të vetme, derisa shifrat fiksohen 38-42 për Tiranën.
Vendaset kujtohen në minutat e fundit të pjesës së 3-të dhe sërish janë në epërsi të një pike 44-43. Pjesa e katërt është e bukur deri në momentin që rezultati shkon në 49-49. Por Eda Llazar largohet me 5 personale për vendaset dhe Tirana merr frenat e lojës dhe fiton 53-63.
Skënderbeu – Tirana 53-63
(20-14, 18-17, 6-12, 9-20)
Skënderbeu: Pëllumbi, Toska, Llazar, Jahollari, Gjika / Haris, Doja, Myzeqari, M. Loçi, R. Loçi, Shallo, Hysenllari. Trajner: B. Topi
Tirana: Zykaj, Xhanaj, E. Bujari, Okoj, Milovanoviç / Bojd, G. Bujari, Jaçe, Rreshpja, Berranija, Baraj, Popoviç. Trajner: R. Avrami
Gjyqtarë: E. Liço, G. Hysa (Elbasan)
Kampionati Kombëtar
i Basketbollit – Femra
Kategoria e Parë
Grupi A
Java e 14-të
(9-10 mars 2018)
Studenti – Goga Basket 36-101
Skënderbeu – Tirana 53-63
Vllaznia – Flamurtari 70-100
Renditja
Nr. Skuadra N. F. H. Psh-Pp Pikë
- Flamurtari 14 12 2 1082-933 26
- Tirana 14 11 3 1063-774 25
- Goga Basket 14 11 3 1118-839 25
- Studenti 14 4 10 869-1083 18
- Vllaznia 14 3 11 823-1054 17
- Skënderbeu 14 1 13 768-1040 14
