ASNN – Skënderbeu në volejboll për femra për pak sa të dielën nuk ka bërë surprizën në Korçë ndaj durrsakeve. Por në fund ato që kanë dalë me tre pikë të çmuara kanë qenë mikeshat e Teutës. Të katër setet kanë qenë të bukura dhe me rivalitet. Seti i parë nis mirë për Skënderbeun 6-1 dhe më pas 8-5.
Pas këtij momenti dhe deri në fund ka barazime të shumta; 9-9, 12-12, 16-16, 20-20 dhe 23-23. Dy pikët e fundit u takojnë vendasve që e mbyllin setin e parë 25-23. Seti i dytë nis sërish me barazimin 3-3 dhe më pas Teuta nuk fal, teksa kryeson 4-8, 9-13, 15-17 dhe bën shkëputjen e madhe 17-23 duke mbyllur setin e dytë 21-25.
Seti i tretë nis mjaft mirë për Skënderbeun që kryeson 4-0 dhe më pas rezultati thellohet në 9-3. Por këtu mikeshat vetëm falë shërbimit barazojnë shifrat në 11-11 dhe pas këtij momenti është Teuta që kryesor 13-16 dhe 19-21 e fiton 22-25. Seti i katërt dhe i fundit fillon sërish në barazimin 2-2, teksa Teuta e ka të lehtë në vazhdim që kryeson 4-8, 8-12 dhe duke thelluar epërsinë në 13-19. 20-25 dhe 1-3 për Teutën.
Skënderbeu – Teuta 1-3
(25-23, 21-25, 22-25, 20-25)
Skënderbeu: N. Shahu, Grabocka, Bego, Beshiri, Demiraj, Mitre, Hasaj (L) / Jatagani, Pelivani, Shahinasi. Trajnere: M. Shahu
Teuta: Begiçi, Gashi, Rexhepi, Disha, Avdyli, Çuka, Jahja (L) / Guzina, Kodra, Domi, K. Matoshi. Trajner: E. Jazexhi
Gjyqtarë: E. Zenullari, Ko. Gjoka (Tiranë)
Kampionati Kombëtar
i Volejbollit – Femra
Grupi A1
Java e 11-të
(9-10 mars 2018)
Korabi – Vllaznia 2-3
Barleti Volej – Tirana 3-0
Skënderbeu – Teuta 1-3
Lushnja – Partizani 0-3
Renditja
Nr. Skuadra N. F. H. Setet Pikë
- Barleti Volej 11 11 0 33-3 33
- Partizani 11 9 2 28-8 26
- Tirana 11 8 3 24-12 24
- Teuta 11 7 4 25-16 21
- Skënderbeu 11 4 7 15-22 12
- Vllaznia 11 3 8 14-26 9
- Lushnja 11 1 10 4-30 3
- Korabi 11 1 10 5-31 4
