ASNN – Të dielën ka nisur zyrtarisht sezoni për moshën deri në 16 vjeç për djem në basketboll, ndërsa në garë janë vënë 12 ekipe, të cilat janë ndarë në dy grupe me nga gjashtë ekipe. Në përfundim të dy fazave, katër ekipet e para do të luajnë në turin çerekfinal sipas skemës A1-B4, A2-B3, A3-B4 dhe A4-B1. Dhe këto do të jenë me ndeshje teke. Gjysmëfinalet do të kenë këtë skemë (A1-B4 v B2-A3 dhe B1-A4 v A2-B3).

Faza finale, duke llogaritur dhe ndeshjen e madhe për titullin “kampion”, do të luhen në Tiranë. Madje nga Federata Shqiptare e Basketbollit janë zyrtarizuar dhe datat. Që do të thotë se më 5 maj 2018 do të luhen çerekfinalet, më 18 maj 2018 gjysmëfinalet dhe më 19 maj 2018, finalja e madhe. Ndërkohë Marsi Basket, që është “kampione” në fuqi për moshën deri në 16 vjeç, e ka nisur me fitore sezonin, teksa ka mundur ekipin e Alfa Basket.

Ndërkohë Partizani ka fituar në vizitën e Fierit, kurse Juvenilja ka mundur “Invaders” në fushën e kësaj të fundit. Ardhmëria Basket ka bërë një nisje spektakolare, teksa ka fituar me Teutën me 35 pikë diferencë. Madje pjesa e parë ka përfunduar 48-20, ndërsa drejtuesit e kësaj skuadre, me një mesazh në faqen e tyre, i kanë uruar suksese të dy ekipeve. Me këmbë të mbarë e ka nisur sezonin dhe Goga Basket, që e drejtuar nga trajneri Bekim Abrazhda ka mundur Superiorin.

Por mund të cilësohet një “shou” më vete, fitorja më e thellë e javës, e cila ka ardhur nga “Qazim Turdiu” ndaj Vlora Basket. Kështu ka nisur kampionati i para të rinjve, por ende nuk duket në horizont ai para të rejave, edhe pse përsëri Shqipëria do të përfaqësohet në arenën ndërkombëtare me vajzat në këtë moshë.

Kampionati Kombëtar

i Basketbollit – Paratërinj

Grupi A

Java e parë

(24 shkurt 2018)

Invaders – Juvenilja                                    38-54

Alfa Basket – Marsi Basket                        47-77

Apolonia – Partizani                                    64-70

Renditja

Nr.       Skuadra         N         F          H         Psh-Pp           Pikë

1. Marsi Basket 1          1          0          77-47              2
2. Juvenilia        1          1          0          54-38              2
3. Partizani        1          1          0          70-64              2
4. Apolonia        1          0          1          64-70              1
5. Invaders         1          0          1          38-54              1
6. Alfa Basket    1          0          1          47-77              1

Grupi B

Java e parë

(24 shkurt 2018)

Ardhmëria – Teuta                           66-31

Superior Klima – Goga Basket      66-73

Qazim Turdiu – Vlora Basket         78-36

Renditja

Nr.       Skuadra                     N         F          H         Psh-Pp           Pikë

1. Qazim Turdiu            1          1          0          78-36              2
2. Ardhmëria                 1          1          0          66-31              2
3. Goga Basket             1          1          0          73-66              2
4. Superior Klima         1          0          1          66-73              1
5. Teuta                          1          0          1          31-66              1
6. Vlora Basket             1          0          1          36-78              1