ASNN – Bardheblutë përmbysin nga 0-2 në disavantazh në 2-2, por në setin e pestë nuk kanë forcën e duhur për të shkuar tek suksesi i premtuar. Studenti jo vetëm që ka pasur organizimin perfekt të Kupit, por mbështetur mirë në sulmet e Ramës, Xhabrahimit dhe Bajramit, pa harruar dhe Pirrën, ia del ta vërë që në fillim ndeshjen nën kontroll. Në setin e parë ka kryesuar vazhdimisht 5-8, 10-16, 11-19 dhe në fund 16-25.

Seti i dytë është treguesi i një Tirane të mefshtë, aq sa Koja detyrohet t’i heqi të gjithë titullarët e tij për t’i lënë radhën rezervave. Dhe Studenti nuk fal, ndërsa fiton 15-25. Madje kryeson në setin e tretë deri në pushimin e parë teknik 8-4. Mirëpo zgjohet Tirana. Ferhati, Gaxiri, Gega, Sotir dhe Peçi kthejnë situatën.

25-20 për bardheblutë seti i tretë. I katërti luhet pikë më pikë, ndërsa përsëri fiton Tirana 25-22 dhe 2-2. Në të pestin ka dhe nervozizëm, ndërsa është ndëshkuar me karton të verdhë Gaxiri, por dhe ndihmëstrajneri i Studentit, Reka. Mirëpo ka dhe karton të kuq për Kasemin. Megjithatë Studenti nuk e ka humbur toruan, ndërsa fiton setin e pestë 10-15 dhe krejt ndeshjen 3-2.

Pikëshënuesit më të mirë të ndeshjes ishin Gaxiri i Tiranës dhe Xhabrahimi i Studentit, me 19 pikë secili, ndjekur nga Ferhati i Tiranës me 18 pikë, apo dhe Rama i Studentit me 15 pikë e Bajrami i Studentit me 12 pikë. Në bllok ka dalë fitues Ferhati i Tiranës dhe Pirra i Studentit me tre mure fituese ndjekur nga Gaxiri, Gega të Tiranës dhe Rama e Bajrami të Studentit me dy të tilla.

Në shërbim është absolut Xhabrahimi i Studentit me 7 rezultative, ndjekur nga Kupi i Studentit me 3 të tilla, apo dhe Bajrami i Studentit me dy. Në total, në 5 sete, Tirana ka shënuar 91 pikë, prej të cilave 67 pikë vetë, kurse 24 pikë kanë ardhur nga gabimet e Studentit. Në anën tjetër, Studenti, në 5 sete realizoi 107 pikë, prej të cilave 85 pikë vetë, kurse 22 pikë kanë ardhur nga gabimet e Tiranës.

Në këtë mënyrë Studenti dhe Tirana, që kanë luajtur në orët e mbrëmjes, kanë prodhuar ndeshjen më të mirë të javës, e cila është ndjekur dhe nga presidenti i Federatës Shqiptare të Volejbollit, Erlind Pëllumbi, dhe Sekretari i Përgjithshëm i saj, Albens Vokopola.

Tirana – Studenti                              2-3

(16-25, 15-25, 25-20, 25-22, 10-15)

Tirana: Peçi, Joanidhi (L), Gaxiri, Sotir, Gega, Bytyqi, Kasemaj (L), Ferhati / Zeqiraj, Kapidani, Sheldija, Zhllima, Batalli. Trajner: I. Koja

Studenti: Xhabrahimi, Pirra, Kupi, Rama, Baruti, Bajrami, Muça (L), Kola (L) / Gorenca, Myrta. Trajner: I. Koja

Gjyqtarë: I. Fështi, E. Dusha (Tiranë)

Ndihmës: E. Papamihali (Tiranë), Xh. Zuna (Durrës)

Kampionati Kombëtar

i Volejbollit – Meshkuj

Java e 13-të

(24 shkurt 2018)

Teuta – Skënderbeu           0-3

Erzeni – Vllaznia                 3-0

Farka Volej – Partizani        0-3

Tirana – Studenti                 2-3

Elbasani                                pushim

Renditja

Nr.       Skuadra         N.        F.         H.        Setet               Pikë

1. Partizani        12        11          1        34-9                33
2. Erzeni                        11          9          2        30-9                28
3. Studenti         12          9          3        30-16              25
4. Tirana             12          8          4        29-18              24
5. Skënderbeu  11          5          6        17-19              15
6. Vllaznia         11          4          7        16-21              13
7. Farka Volej    12          4          8        18-26              12
8. Elbasani        11          2          9          6-28                6
9. Teuta              12          0        12          2-36                0