ASNN – U desh dita e djeshme dhe përballja ndaj Studentit në Pallatin e Sportit “Tamara Nikolla” që Skënderbeu në basketboll për femra të shënojë fitoren e parë të këtij sezoni. Pas shumë javësh vetëm me humbje, më së fundi kanë buzëqeshur edhe vajzat korçare të basketbollit, teksa kanë mundur me 14 pikë diferencë, 77-63, kryeqytetaset e Studentit.

Edhe pse ka qenë një ndeshje nën nivelin mesatar, Skënderbeu i është falur padiskutim përvojës së dy lojtarëve kryesore, Gerta Gjika dhe Eda Llazar, dhe falë tyre ka shënuar këtë fitore. Studenti, në këtë takim, kishte vetëm dy vazja në stol dhe e kishte të pamundur të përballonte vendëset. Ndeshja nis e barabartë deri në shifrat 8-8. Më pas, Skënderbeu me dy 3-pikësha rresht e çon rezultatin në 14-8 dhe e mbyll pjesën e parë 16-11.

Pjesa e dytë është edhe më e mira për Skënderbeun, pasi vendëset sigurojnë edhe epërsinë që i jep qetësi në vazhdim. 28-18 do të ishte shkëputja në këtë pjesë të dytë, ndërkohë që, përpara se ekipet te futeshin në dhomat e zhveshjes, rezultati fiksohet 42-30. Pas pushimit pritej reagimi i mikeshave, por është Skënderbeu që thellon edhe më shumë shifrat dhe rezultati më i thellë është 49-35.

Pak minuta para fundit kur shifrat ishin 55-44, Studentit i del nga fusha e lojës me 5 gabime personale Vata, por shifrat mbeten po të njëjta, teksa në fund të pjesës së 3-të, rezultati është 59-50. Në pjesën e 4-t, është radha e dy korçareve me përvojë Llazar dhe Gjika që të dalin nga fusha e lojës me 5 gabime personale, madje kur shifrat ishin 61-56. Korçaret janë më të sakta, ndërkohë që mikeshat nxitohen poshtë koshit dhe në këtë mënyrë rezultati përfundimtar është 77-63 për Skënderbeun.

Skënderbeu – Studenti       77-63

(16-11, 26-19, 17-20, 18-13)       

Skënderbeu: Haris, Toska, Llazar, Jahollari, Gjika / Pëllumbi, Doja, Myzeqari, M. Loçi, R. Loçi, Shallo, Hysenllari. Trajner: B. Topi

Studenti: Metani, Huta, Vata, Halili, Naçollari / Shina, Matka, Konini. Trajnere: F. Mitku

Gjyqtarë: M. Majko (Durrës), P. Sakaj (Vlorë)

Kampionati Kombëtar

i Basketbollit – Femra

Kategoria e Parë

Grupi A

Java e 10-të

(20 dhjetor 2017)

Skënderbeu – Studenti                  77-63

Vllaznia – Goga Basket                  60-84

Tirana – Flamurtari                          67-52

Renditja

Nr.       Skuadra         N.        F.         H.        Psh-Pp           Pikë

1. Goga Basket 10        9          1          841-618         19
2. Flamurtari      10        8          2          743-670         18
3. Tirana             10        7          3          768-579         17
4. Studenti         10        3          7          634-729         13
5. Vllaznia         10        2          8          591-764         12

6.       Skënderbeu  10        1          9          555-772         10