ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka mbyllur javën e saj të 6-të, duke regjistruar dy fitore të ekipeve vendase dhe një të ekipit udhëtues.

Të martën, Partizani vuajti për të mposhtur në kryeqytet, me një pikë të vetme, 70-69, Kamza Basketin, ndërsa Tirana nuk pati të tilla probleme për të mposhtur me rezultatin e thellë, 140-81, Barleti Eagles.

Ndërkaq, të mërkurën, në një ndeshje të luftuar nga fillimi deri në fund, Vllaznia ka fituar me atë që ishte praktikisht gjuajtja e fundit e lojës, kur Bërdica realizoi për 3 pikë, për ta përmbysur rezultatin 74-72 në Durrës ndaj Teutës.

Kampionati Kombëtar

i Basketbollit – Meshkuj

Superliga

Java e 6-të

(28-29 nëntor 2017)

Partizani – Kamza Basket    70-69

Tirana – Barleti-Eagles       140-81

Teuta – Vllaznia                     72-74

Renditja

Nr.       Skuadra                     N.        F.         H.        Psh-Pp           Pikë

1. Tirana                         6          5          1          530-354         10
2. Teuta                          6          4          2          505-430         10
3. Partizani                    6          4          2          418-361         10
4. Vllaznia                     6          4          2          495-456         10
5. Kamza Basket          6          1          5          436-468           7
6. Barleti-Eagles           6          0          6          353-675           6