ASNN – Peqinasit janë rehabilituar pas humbjes në kampionat me Dinamon, të shtunën e kaluar në Stadiumin “Selman Stërmasi” në kryeqytet, teksa ishin mundur 1-3. Ata kanë zgjedhur Albpetrolin e Kategorisë së Dytë, të cilin e kanë mundur 2-1.

Për Albpetrolin ka shënuar Mici, kurse për peqinasit Sulkja e Hasa dhe në fund 2-1 për peqinasit, të cilët kështu kërkojnë që të kthehen tek sukseset e munguara, ndërsa janë ende në zonën e nxehtë të rënies nga Kategoria. Ndërkaq, Ada ka mundur… Adën(!?)

Kështu ka ndodhur dje në Velipojë, ndërsa skuadra e parë e drejtuar nga Kreshnik Krepi ka fituar 5-2 me skuadrën B, e cila do të militojë në Kategorinë e Tretë, që pritet të nisë këtë javë.

Ajo që duhet theksuar është fakti se velipojakët kanë ndryshuar që pas mbërritjes së Kreshnik Krepit trajner, ndërsa tashmë të gjithë besojnë jo vetëm mbijetesën, por dhe një renditje më të mirë në Grupin e Veriut.

Rezultatet e miqësoreve të djeshme:

Besa – Tomori                                  3-1

Mamurrasi – Sopoti             1-0

Shkumbini – Albpetrol        2-1

Ada – Ada B                          5-2