ASNN – Pasi kishte marrë atë barazim 1-1 në Zagreb para dy javësh, Skënderbeu ka vijuar të marrë një tjetër barazim, këtë radhë pa gola, në takimin e zhvilluar të enjten në Stadiumin “Elbasan Arena” të Elbasanit. Por kjo u ka mjaftuar korçarëve për të siguruar, për të dytën herë në 3 sezonet e fundit, vendin në fazën e grupeve të Ligës së Evropës. Shorti i fazës së grupeve hidhet të premten, duke nisur nga ora 13:00 në Monako.
Skënderbeu ka shkruar për herë të dytë historinë e futbollit shqiptar, duke u kualifikuar sërish për në fazën e grupeve të veprimtarisë së dytë të futbollit të klubeve të kontinentit, Ligës së Evropës. Pasi kishte marrë atë barazim 1-1 në Zagreb para dy javësh, Skënderbeu ka vijuar të marrë një tjetër barazim, këtë radhë pa gola, në Stadiumin “Elbasan Arena” të Elbasanit. Por kjo i ka mjaftuar korçarëve për të siguruar, për të dytën herë në 3 sezonet e fundit, vendin në fazën e grupeve të Ligës së Evropës. Në fakt, ka qenë një betejë taktike dhe një luftë nervash ajo e zhvilluar midis Skënderbeut dhe Dinamos së Zagrebit të enjten, pasi korçarët kanë bërë një lojë mjaft të disiplinuar dhe kanë kapërcyer edhe pësimin e një goli të kroatëve, të anuluar në minutat e para për një ndërhyrje të parregullt. Por, në anën tjetër, edhe Skënderbeu i ka patur rastet e veta për shënim dhe ka qenë Soue ai që ka shkuar dëm një mundësi të artë për të shënuar. Ai fiton duelin me portierin mik, por godet pasaktësisht dhe dobët në kufinjtë e zonës me portën e boshatisur dhe largon mbrojtja kroate ne goditje këndi. Në sulmin tjetër, rrezikon Dinamo e Zagrebit, por Sudani godet rrjetën e jashtme të portës së Shehit. Përveç kësaj, skuadra e drejtuar nga trajneri Ilir Daja ka kapërcyer edhe luajtjen për afro 20 minuta me 10 lojtarë, pas daljes me karton të kuq të Nimagës. Megjithatë, Skënderbeu është mbajtur deri në fund, duke marrë një barazim pa gola dhe bashkë me të edhe vendin në fazën tjetër të Ligës së Evropës. Shorti i fazës së grupeve hidhet të premten, duke nisur nga ora 13:00 në Monako.
Minutat e lojës:
4’ Dinamo e Zagrebit shënon me Fernandes pas një goditje dënimi , por gjyqtari sinjalizon për faull në dëm të mbrojtësve të Skënderbeut.
6’ Latifi synon me një gjuajtje të fortë nga jashtë zonës, portieri i Dinamos devijon me vështirësi tentativën e mesfushorit të Skënderbeut.
28’ Tension në fushë, pasi Sudani bën faull ndaj Shehit. Futbollisti i Dinamos rrethohet nga lojtarët e Skënderbeut që kërkojnë karton të verdhë, por gjyqtari bën shenjë që loja të vazhdojë vetëm me një faull.
32’ Goditje dënimi për Skënderbeun, me topin që kthehet nga mbrojtja kundërshtare për Lilajn, ky i fundit provon nga jashtë zonës, por një mbrojtës devijon sferën që kalon mbi traversë.
38’ Një ndërhyrje e Rrahmanit shpëton Dinamon, pasi Soue kishte hyrë rrezikshëm në zonë. Goditja e këndit pasardhëse për Skënderbeun nuk sjell asgjë për korçarët, me portierin që kontrollon.
42’ Radas ekzekuton mjeshtërisht goditjen e dënimit, Livakoviç detyrohet të bëjë një ndërhyje vendimtare për të shpëtuar portën.
50’ Dinamo ka hyrë me shumë vrull në fushën e lojës dhe pas kombinimeve mes Fernandes dhe Henrikez, ky i fundit gjuan në portë, por përsëri topi devijohet nga mbrojtja.
52’ Shehi shpëton korçarët. Olmo shfaqet përsëri para tij dhe gjuan fort, por kapiteni reagon në mënyrë të shkëlqyer.
59′ Soue depërton nga e majta në zonë, godet, pasaktësisht…
63′ Goditje këndi e Dinamos së Zagrebit, por Shehi pret pa probleme…
64′ Soue fiton duelin me portierin mik, godet pasaktësisht në kufinjtë e zonës me portën e boshatisur, largon mbrojtja kroate ne goditje këndi, Në sulmin tjetër, rrezikon Dinamo e Zagrebit, por Sudani godet rrjetën e jashtme të portës së Shehit.
69′ Rast për Dinamon e Zagrebit, por goditja me kokë neutralizohet nga Shehi.
73’ Lëvizja e parë e Dajës është aktivizimi i Xhejms në vend të Gavazajt, pa ndryshuar rreshtimin e skuadrës në këto minuta.
77′ Nimaga merr kartonin e dytë të verdhë dhe detyrohet të lërë fushën e lojës, pas ndëshkimit me kartonin e kuq. Skënderbeu mbetet me 10 lojtarë.
90′ Hernandez godet në kufinjtë e zonës, pret Shehi.
93′ Sudani godet me kokë brenda zonës, pasaktësisht…
Mbyllet 0-0 dhe korçarët festojnë…
