ASNN – Trajneri i ri i Besës, Bledar Sinella, e ka nisur me fitore karrierën e tij në krye të kavajasve. Në anën tjetër, peqinasit rehabilitohen pas humbjes me Dinamon me fitoren ndaj Albpetrolit të Patosit. Edhe Stavri Nica e ka nisur mbarë në krye të pankinës së Mamurrasit, duke fituar minimalisht ndaj Sopotit.

Miqësore për të tërë në Kategorinë e Parë dhe të Dytë, kurse në Kategorinë Superiore, me përjashtim të Flamurtarit, të gjitha të tjerat e kanë mbyllur javën me teste brenda familjes.

Pyetja që shtrohet është se sa i kanë vlejtur skuadrave inferiore këto miqësore, në një kohë që kampionati është në mes dhe çdo dëmtim lojtari është një minus i madh për kampet respektive.

Megjithatë kështu kanë menduar dhe kështu kanë vepruar. Efekti, kur të luhet java e shtatë e kategorisë së Parë.

Rezultatet e miqësoreve të djeshme:

Besa – Tomori                      3-1

Mamurrasi – Sopoti             1-0

Shkumbini – Albpetrol        2-1

Ada – Ada B                          5-2