Tashmë preokupimi më i madh i volejbollit shqiptar është pjesëmarrja në Ligën e Evropës e kjo jo vetëm për femra, por dhe për meshkuj. Aq më tepër që Shqipëria do të jetë dhe mikpritësi si për femra, ashtu dhe për meshkuj.
Për femra, vajzat kuqezi do të jenë përballë Bjellorusisë, Austrisë dhe Finlandës, nga data 9, deri më 11 qershor 2017 në Shqipëri, kurse nga data 16-18 qershor 2017 në Bjellorusi.
Dhe, për meshkuj, është përballë Maqedonisë e Suedisë, më parë në Maqedoni, kurse pastaj, nga data 23, deri më 25 qershor 2017, në Shqipëri. Pikërisht dje trajneri i Kombëtares së meshkujve, Jani Melka, ka zbardhur listën prej 27 lojtarësh, ndërsa pritet tashmë të nisi grumbullimi.
Por ndërkaq ajo që bie në sy është mospërfshirja e Arbër Trokës, që në fakt në pjesën e dytë të sezonit ka qenë nën mundësitë e tij me Partizanin. Megjithatë tashmë lista është zyrtare e pritet të nisi vetëm grumbullimi.
Lista e lojtarëve të kombëtares së meshkujve:
Aldo Dashi (Erzeni), Osman Qepa (Farka Volej), Redi Koçi (Farka Volej), Amarildo Deliu (Farka Volej), Italo Muslia (Greqi), Ahilea Basi (Greqi), Alvi Shurdhi (Greqi), Gazmend Husaj (Turqi), Enea Xhelati (Greqi), Asmend Kula (Studenti), Norgen Baruti (Studenti), Anis Çullhaj (Studenti), Ditmir Rrashketa (Vllaznia), Anton Qafarena (Vllaznia), Nikolin Qafarena (Vllaznia), Renato Kola (Vllaznia), Armando Gaxiri (Tirana), Mario Gjoklaj (Vllaznia), Adri Arapi (Partizani), Ervin Çali (Partizani), Eraldo Vora (Erzeni), Ledio Martiro (Partizani), Kristi Martiro (Partizani), Klaudio Qerraxhija (Partizani), Aldo Kupi (Studenti), Kreshnik Malaj (Partizani), Ledio Biduli (Teuta)
