ASNN – Referuar etapës së parë të Kupës “Brahim Syka” për kategorinë e paratërinjve dhe të rinjve, e cila u shoqërua me një mot aspak të mirë, reshje të vazhdueshme shiu dhe temperatura të ulëta, figurën më të mirë sportive e bënë çiklistët e Vllaznisë, të cilët, të drejtuar nga trajneri i tyre, Leonard Kola, mbërritën të parët në finish.

Pas nisjes në Milot, pedalimi drejt qytetit të tyre ka qenë i shkëlqyer për djemtë e talentuar shkodranë. Në Bushat, rreth 20 kilometra larg finishit të Shkodrës, dyshja e spikatur shkodrane, Bruno Kola dhe Alfons Rrashkadoli janë shkëputur nga grupi duke mbërritur të parët në finishin e Bulevardit “Zogu i parë”.

Ndërkohë për Nën-23-vjeçarët/Elitën, i pari ka mbërritur në finish Kristel Sota i Apolonisë dhe, pas tij kanë ardhur Olsian Veliaj i Tiranës dhe Marolino Hoxha i Apolonisë. Dita e dytë e Kupës “Brahim Syka” ka në program etapën e dytë, Shkodër-Gomsiqe dhe kthim 70 kilometra për kategorinë paratërinj dhe të rinj, si dhe Shkodër-Pukë dhe kthim 92 kilometra për kategorinë e Nën-23-vjeçarëve/Elitës.

Kupa “Brahim Syka”

Çiklizëm – Meshkuj

Rezultatet teknike të ditës së dytë

Paratërinj/Të Rinj

(Milot – Shkodër, 60.5 km)

1)         Bruno Kola (Vllaznia)                     1h36’20”

2)         Alfons Rashkadoli (Vllaznia)         1h36’21”

3)         Sali Ballgjini (Teuta)                                    1h37’46”

Nën-23-vjeçarët/Elitë

(Kashar – Shkodër, 81 km)

1)         Krisel Sota (Apolonia)                     2h18’25”

2)         Olsian Veliaj (Tirana)                      2h20’15”

3)         Marolino Hoxha (Apolonia)                        2h20’15”