ASNN – Edhe pse nuk luajti kundër Italisë, sulmuesi Bekim Balaj vazhdon të pohojë se është në dispozicion të trajnerit Xhovani De Biazi. Nëse luan apo jo ky është vendim i trajnerit.

Ndërsa mbrojtësi Frederik Veseli ka shprehur kënaqësinë që iu dha mundësia të luajë titullar dhe të fitojë besimin e trajnerit. Bekim Balaj është një nga futbollistët e kombëtares që nuk u aktivizua në ndeshjen me Italinë.

Por ai ka theksuar se është në dispozicion të trajnerit De Biazi dhe i gatshëm për të dhënë kontributin e tij në skuadër. Nga ana tjetër, mbrojtësi Frederik Veseli ka thënë se mund të luajë në disa pozicione në fushë e kjo është një ndihmë për trajnerin De Biazi.

Të dy futbollistët vazhdojnë stërvitjen me ekipin kombëtar, në pritje për të luajtur ndeshjen miqësore me Bosnjë-Hercegovinën të martën.