ASNN – Apolonia ka bërë surprizën në javën e 17-të të Kategorisë së Parë të Kampionatit Kombëtar të Basketbollit, ndërsa dje në mesditë ka mundur në Vlorë, Tirana Eagles Basketin.

Pjesa e parë është me rivalitet të plotë, ndërsa miqtë nga Tirana e kanë fituar me vetëm një pikë diferencën, 10-11. Fierakët shpërthejnë në të dytën, ndërsa kanë fituar 22-10 dhe në pushim kryesojnë 32-21.

Madje dominimi i Apolonisë ka vijuar dhe në të tretën, ndërsa ka fituar 19-11 dhe në total 51-32. Tirana Eagles Basket është zgjuar vonë dhe kjo nuk ka mjaftuar për të shmangur humbjen.

Edhe pse e ka fituar pjesën e katërt 27-16 vetëm ka ngushtuar në 59-67 për Apoloninë, e cila kështu ka bërë surprizën në Kategorinë e Parë, duke ngjallur edhe shpresat për një vend në “play-out”-in me Superligën.

Apolonia – Tirana Eagles Basket  67-59

(10-11, 22-10, 19-11, 16-27)

Apolonia: Zyka, Tegu, Shkurti, Salillari, Alimemaj, Ademi, Sauli, Ajdhoni, Xhafaj, Prifti, Bare. Trajner: O. Profka

Tirana Eagles Basket: Adili, Vogli, Allaraj, Musta, Sako, Nikolli, Shytaj, Prodani, Branko, Nallbani. Trajner: K. Dedaj

Gjyqtarë: E. Koçi, E. Allaraj (Tiranë)

Kampionati Kombëtar

i Basketbollit – Meshkuj

Kategoria e Parë

Java e 17-të

(14 mars 2017)

Të martën:

Apolonia – Tirana Eagles Basket 67-59

Partizani – Skënderbeu                  93-52

Elbasani                                            pushim

Renditja

Nr.       Skuadra                     N.        F.         H.        Psh-Pp           Pikë

1. Partizani                    14        14          0        1105-664       28
2. Eagles Basket          13          8          5          850-744       21
3. Apolonia                    14          6          8          815-986       20
4. Skënderbeu              14          3        11          891-1002     17

5.       Elbasani                    13          3        10          712-975       16