ASNN – Skënderbeu në basketboll për femra, për herë të parë në këtë sezon, shënon dy fitore radhazi. Një javë më parë korçaret do të mposhtnin, mes polemikash, Apoloninë në fushën e vet, kurse dje, po në Korçë, do të mundnin Vllazninë. Skënderbeu fiton me 10 pikë diferencë dhe merr dy pikë me shumë vlera duke iu shkëputur edhe më shumë dy vendeve të fundit të tabelës.
Vllaznia nuk arriti t’i bënte dot ballë vajzave korçare, që me Llazarin dhe Ropin bënë diferencën në fushë. Dhe falë pjekurisë së tyre ka ardhur edhe kjo fitore. Pjesa e parë ka qenë thuajse e ekuilibruar, gjë që e tregon edhe rezultati 18-17. Në pjesën e dytë do të bëhej edhe diferenca, teksa ka ardhur edhe fitorja e vendësve. Në këtë 10-minutësh, korçaret fitojnë thellësisht 19-8 dhe rezultati fiksohet në 37-25.
Pas pushimit, duhet thënë se 10 minutat e treta kanë qenë të bukura dhe të luftuara nga të dy skuadrat, ku nuk mungojnë as trepikëshat në parket. 60-46 do të ishte rezultati në fund të kësaj pjese të 3-të, ndërkohë që e 4-ta ka qenë thjesht një formalitet dhe Skënderbeu përpiqet të ruajë më shumë këtë fitore, gjë që e bën, pasi gjithçka mbyllet në 75-65 në favorin e korçareve.
Skënderbeu – Vllaznia 75-65
(18-17, 19-8, 23-21, 15-19)
Skënderbeu: Pëllumbi, Haris, Toska, Llazar, Gjika / Shallo, Jahollari, Aliu, Loçi, Myzeqari, Hysenllari. Trajner: N. Gjika
Vllaznia: Mustafa, Basha, Çoçja, A. Dashja, Bërdanja / Mlika, I. Dashja, Juka. Trajner: R. Rasha
Gjyqtarë: M. Kasëmi (Vlorë), A. Bejko (Tiranë)
Kampionati Kombëtar
i Basketbollit – Femra
Java e 15-të
(10-11 mars 2017)
Të premten:
Studenti – Elbasani 82-53
Të shtunën:
Skënderbeu – Vllaznia 75-65
Apolonia – Kamza Basket 85-62
Tirana – Goga Basket 71-86
Flamurtari pushim
Renditja
Nr. Skuadra N. F. H. Psh-Pp Pikë
- Goga Basket 13 12 1 1190-721 25
- Tirana 13 12 1 941-821 25
- Flamurtari 13 11 2 1115-852 24
- Vllaznia 14 7 7 949-914 21
- Studenti 13 7 6 874-838 20
- Elbasani 13 4 9 912-961 17
- Skënderbeu 13 5 8 831-942 18
- Apolonia 14 2 12 873-1173 16
- Kamza Basket 14 0 14 724-1281 14
