ASNN – Veprimtaria e dytë e klubeve të kontinentit, Ligës së Evropës, luan sonte ndeshjet e para të turit të saj të 16-shes, ku, midis 8 çifteve, spikatin disa sfida interesante.

Një ndër duelet më interesantë të mbrëmjes është ai që luhet në Francë, në “Stadë dë Lion”, ku Lioni vendas do të presë Romën. Kjo ndeshje, që nis në ora 21:05, do të sillet për sportdashësit drejtpërdrejt nga Rrjeti i Radio-Televizionit Shqiptar.

Midis sfidave të tjera të darkës, spikat derbi gjithëgjerman midis Shalke 04-ës dhe Borusias së Mënshen-gladbahut, si dhe ai belg, midis Gentit dhe Genkut, por edhe përballja greko-turke midis Olimpiakosit dhe Beshiktashit.

Ndeshjet e kthimit të turit të 16-shes së Ligës së Evropës do të luhen më 16 mars 2017.