ASNN – “Kupa Rinia” do të jetë një veprimtari sportive, e cila do të zhvillohet çdo vit me pjesëmarrjen e shkollave të mesme të Tiranës. Nën moton “Edukim – Orientim -Vetëveprim”, mësuesit e edukimit fizik dhe nxënësit e shkollave të mesme të përgjithshme kanë zhvilluar ndeshje në futboll, volejboll dhe basketboll.

Në ceremoninë e hapjes, nxënësit janë rreshtuar duke prezantuar shkollën dhe veprimtarinë ku do të marrin pjesë. “Harri Fultz”, “Partizani”, “Besnik Sykja”, Çajupi, “Ekonomiku”, “Arben Broci”, “Qemal Stafa” dhe “Aleks Buda” janë shkollat pjesëmarrëse në këtë veprimtari masive, të cilat do të konkurrojnë për të fituar “Kupën Rinia”.

Veprimtaria ka nisur sot, më datë 6 mars 2017, në Shkollën “Harri Fultz”, ku do të luhen ndeshje e futbollit. Për të vazhduar më pas me ndeshjet e volejbollit në Shkollën “Arben Broci” dhe ndeshjet e basketbollit në Shkollën “Qemal Stafa”.