ASNN – Kinostudio nuk ka falur as dje Skënderbeun, brenda në Korçë, duke arritur një fitore goleadë me rezultatin 12-0. Në javën e 11-të të Kampionatit Kombëtar të Futbollit të Femrave, Skënderbeu nuk ka mundur të bëjë më shumë në këtë 90-minutësh, teksa kujtojmë që në fazën e parë korçaret janë mundur me rezultatin 23-0.

Diferencat kanë qenë të mëdha edhe në fushën e lojës, teksa Skënderbeu luan vetëm me vajza të reja me moshë të vogël. Kinostudio, në këtë sezon, kishte objektiva madhore. Përsa i përket 90 minutëshit të djeshëm të dy pjesët e lojës kanë qenë fotokopje të njëra-tjetrës.

Sepse mikeshat kanë shënuar nga 6 gola në secilën dhe 12 në total. Serinë e golave do ta hapte Jova për Kinostudion, që, e favorizuar edhe nga era, në minutën e 12-të, shënon nga largësia. Kaq u desh që korçaret më pas të pësojnë gola të tjerë. Lufo dy herë në këtë pjesë dhe po kaq edhe afrikania Atlok janë shënueset në vazhdim.

, ndërkohë që një gol shënon dhe Myrtollari, korçarja që sezonin e kaluar luante me Skënderbeun. Me rezultatin e thellë 0-6 mbyllen 45 minutat e para, teksa në pjesën e dytë të ndeshjes loja ka të njëjtin ritëm. Kinostudio nuk fal dhe vazhdon goleadën qysh në nisjes së këtij fraksioni me anë të Myrtollarit.

Për t’u veçuar është një karton i kuq për Zeren, që ka ardhur brenda disa sekondash mes dy të verdhash në të 66-ën minutë. Ka protesta nga ana e korçareve në adresë të gjyqtares Emanuela Rusta, që, pavarësisht se fitorja ishte e thellë për Kinostudion, vendimet e saj kanë qenë të dyshimta.

Sidoqoftë, në fund 0-12 për Kinostudion, me dy tregolësha të Myrtollarit dhe afrikanes Atlok.

Skënderbeu – Kinostudio 0-12

Shënuese: Jova 12’, Lufo 14’, 29’, Atlock 31’, 37’, 90’, Myrtollari 34’, 47’, 65’, Lulaj 62’, 71’(11-m.), Tabaku 76’

Skënderbeu: Sula, M. Niçku, Llalla (46’Kajo), Zizolli, Binjaku, Morava, Shkëmbi, Kullira, Zere, Qose (63’Bako), J.Niçku Trajner: S.Lako

Kinostudio: Noka, Pocesta, Bajrakurtaj (40’Tabaku), Kasa, Jova, Aliaj (53’Obogo), Myrtollari, Lufo, Lulaj, Atlok, Semeu (50’Hoxhaj) Trajner: G.Gjonpalaj

Gjyqtare: E.Rusta, M.Salla, B.Xhaja (Elbasan)

Kartonë të verdhë: Zere (2)

Karton i kuq: Zere

Kampionati Kombëtar

i Futbollit – Femra

Java e 11-të

(4 mars 2017)

Të shtunën:

Tirana AS – AAS                  (e ndërprerë në të 85’)

Apolonia – The Door                       10-0

Vllaznia – Dajti                                 13-0

Teuta – Juban Danja                        3-1

Skënderbeu – Kinostudio                0-12

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     11        11        0            0        113-0              33
2. Apolonia                    11          9        1            1          50-6              28
3. Kinostudio                 11          8        1            2          84-12            25
4. Akademia AAS         10          5        1            4          33-31            16
5. Teuta                          11          5        1            5          22-35            16
6. Tirana AS                    9          4        1            4          31-22            13
7. Juban Danja             11          4        1            6          25-46            13
8. Skënderbeu              11          3        0            8            9-78              9
9. Dajti                            11          1        0          10            7-57              3
10. The Door 10          0        0          10            7-95              0