ASNN – Korçarëve, në basketboll për meshkuj, nuk i ka sjellë shpëtimin as fitorja e thellë që arritën dje ndaj Elbasanit. Sepse, edhe me këtë dypikësh, renditen sërish në vendin e fundit të Kategorisë së Parë. Ndeshja e djeshme, e luajtur në Pallatin e sportit “Tamara Nikolla” të Korçës, ishte e vlefshme për javën e 14-të dhe ka pasur në parket vetëm një skuadër, vendësit, të cilët fituan në fund me plot 42 pikë diferencë.
Këtë gjë Skënderbeu nuk e kishte bërë asnjëherë gjatë këtij sezoni, ndërkohë që në kaq javë kishte vetëm një fitore dhe dje ka ardhur edhe suksesi i dytë, që më shume vlejti për statistikë. Miqtë nga Elbasani nuk kanë bërë aspak rezistencë, teksa që në 10 minutat e para janë vendasit që me anë të Ducit, Habip dhe Simakut, shënojnë të gjitha pikët e kësaj pjese dhe, në fund, rezultati është i thellë, 33-12.
Miqtë nuk mbledhin dot veten dhe, në pjesën e dytë, trajneri i Skënderbeut fillon aktivizon edhe lojtarët e stolit. Në pjesën e dytë shënohen pak pikë dhe në fund të pjesës së parë rezultati është 47-22 për vendasit. Pas pushimit, Skënderbeu luan me ritmin e startit të ndeshjes dhe thellon edhe më shumë diferencën, ku spikat Habip për vendësit.
Rezultati i kësaj pjese është 23-15 për Skënderbeun dhe rezultati i përgjithshëm është thelluar në 70-37. Në pjesën e fundit të takimit, të dy skuadrat janë me rezervat në parket. Skënderbeu e administron mirë dhe e mbyll këtë pjesë të fundit 18-9 dhe gjithë takimi mbyllet 88-46, pra me 42 pikë në favor të korçarëve. Me këtë fitore Skënderbeu vetëm sa ngjitet në kuotën e 13 pikëve.
Por, prapëseprapë mbyll renditjen e Kategorisë së Parë. Elbasani ka 14 pikë, duke mos arritur të barazojë dot Apoloninë, që ndodhet në vendin e tretë me një pikë më shumë se verdheblutë.
Skënderbeu – Elbasani 88-46
(33-12, 14-10, 23-15, 18-9)
Skënderbeu: Thanas (16), O. Simaku (12), Habip (25), Topi (9), Duci (13) / Bala (4), S. Simaku, Terolli (4), Bello (2), Treska, Qazimllari (3), Gërmenji. Trajner: I. Nika
Elbasani: Biçoku (22), Koçiasi (9), Xhyra (2), Kumbara (3), Musaj (2) / Kishta, Isufi (8), Kasëmi, Alla. Trajner: Xh. Isufi
Gjyqtarë: E. Tiko, F. Jaçe (Tiranë)
Kampionati Kombëtar
i Basketbollit – Meshkuj
Kategoria e Parë
Java e 14-të
(26-28 shkurt 2017)
Të dielën:
Tirana Eagles Basket – Partizani 62-68
Të martën:
Skënderbeu – Elbasani 88-46
Apolonia pushim
Renditja
Nr. Skuadra N. F. H. Psh-Pp Pikë
- Partizani 12 12 0 921-578 24
- Tirana Eagles Basket 11 7 4 715-628 18
- Apolonia 11 4 7 613-803 15
- Elbasani 11 3 8 629-817 14
- Skënderbeu 11 2 9 703-765 13
