Federata Shqiptare e Basketbollit i ka kujtuar Teutës dhe Tiranës se kanë afat deri më sot për shlyerjen e gjobave të dënimeve të dhënë nga Komiteti Drejtues pas incidenteve që ndodhen në ndeshjen e të rinjve, e cila u shoqërua me ndërprerje.

Tirana e Teuta si klube janë gjobitur me 20.000 lekë të rinj. Lojtarët e Tiranës Boriçi, Hoxha dhe Ismailaj, ato të Teutës, Plaku, Shehu dhe Sadiku janë gjobitur me 50.000 lekë secili.

Kurse Pashaj i Tiranës, dënimi i të cilit përfundon më 30 qershor të këtij viti, është gjobitur me 100.000 lekë të rinj. Pra sot për të dy klubet është afati i fundit i shlyerjes së gjobave, ndryshe ka të ngjarë të mos luajnë në kampionat në javën e ardhshme.

70-vjetori i themelimit të Federatës Shqiptare të Basketbollit e ka detyruar këtë të fundit që t’i bëjë dhe një herë thirrje klubeve për vlerësimin e figurave të tyre. Bëhet fjalë për lojtarë (meshkuj e femra), trajnerë dhe gjyqtarë.

E pas tyre Federata Shqiptare e Basketbollit do të përgatisë vlerësimet përkatëse, ndërsa 70-vjetori i themelimit të institucionit më të lartë të koshit shqiptar është në prill të këtij viti.