Tirana Eagles Basket ka një “snajper” në fushë si Edgar Shehi, i cili me 3-pikëshat e tij, katër të tillë, arrin ta mbajë përpara në rezultat skuadrën e Klarent Dedajt. Tek të kuqtë e Partizanit është vënë re vështirësia e Pregjes dhe Dervishit për të gjetur koshin e kundërshtarit, edhe atëherë kur janë poshtë tij. 15-15 është pjesa e parë, ndërsa gjyqtarët Kasëmi dhe Bejko kanë ndëshkuar me gabime antisportive për pengim të sulmit të kundërshtarit Gozhdarin dhe Laperin.
Madje mes të dy basketbollistëve ka dhe një mosmarrëveshje, e cila është zgjidhur me ndëshkim me gabim teknik të të dyve. Ka një paqartësi në lojën e Partizanit, gjë që reflektohet në humbjen e pjesës së dytë, 9-19 dhe Tirana Eagles Basket kryeson në pushim 34-24. Por kjo nuk mjafton për të marrë fitoren. Një orientim ndryshe i skuadrës nga Fagu dhe Ismeti dhe Partizani arrin që me një epërsi të pjesshme 2-15 të kalojë dhe në epërsi 36-39.
E megjithatë Tirana Eagles Basket rikuperon, 7-12 për Partizanin pjesa e tretë dhe në përfundim 41-36 për vendësit. Me gabime antisportive janë ndëshkuar Ikonomi, dy të tilla, që është shndërruar në teknik, por dhe Allaraj. E kur teknik ka marrë dhe Pylla, apo dhe stoli i rezervave të Tirana Eagles Basket, gjyqtarët Kasemi dhe Bejko do të thotë se vetëm kështu mund ta frenonin këtë derbi, që kishte gjithçka brenda. 21-32 për Partizanin pjesa e katërt.
Ndërsa tek Tirana Eagles Basket kanë dalë me 5 gabime personale Shehi dhe Zavalani dhe situata rëndohet për ekipin e drejtuar nga Klarent Dedaj. Në përfundim, me 5 gabime teknike (2 për Tirana Eagles Basket dhe 3 për Partizanin), 6 ndëshkime si antisportive (4 Partizani dhe 2 Tirana Eagles Basket), deri diku dhe pakënaqësive për vendimet e gjyqtarëve, duhet thënë se Kasemi e Bejko, në një lojë me vështirësi maksimale, kanë gjykuar mirë. E Partizani, me shumë meritë, ka fituar 62-68.
Tirana Eagles Basket – Partizani 62-68
(15-15, 19-9, 7-12, 21-32)
Tirana Eagles Basket: Isaku (12), Nikolli (17), Shytaj (3), Shehi (17), M. Vogli / Laperi, Zavalani (7), Adili (2), Allaraj (2), Prodani (2). Trajner: K. Dedaj
Partizani: Gozhdari (8), Pregja (4), Pylla (11), Dervishi, Qilimi (11) / Bardhi (2), Selimaj (8), Babasuli (12), Ikonomi (9), Kristo (3). Trajner: E. Ismeti / A. Fagu
Gjyqtarë: M. Kasëmi (Vlorë), A. Bejko (Tiranë)
Kampionati Kombëtar
i Basketbollit – Meshkuj
Kategoria e Parë
Java e 14-të
(26-28 shkurt 2017)
Të dielën:
Tirana Eagles Basket – Partizani 62-68
Të martën:
Skënderbeu – Elbasani ora 14:00
Apolonia pushim
Renditja
Nr. Skuadra N. F. H. Psh-Pp Pikë
- Partizani 12 12 0 921-578 24
- Tirana Eagles Basket 11 7 4 715-628 18
- Apolonia 11 4 7 613-803 15
- Elbasani 10 3 7 583-729 13
- Skënderbeu 10 1 9 615-719 11
