Dje pasdite, në Sallën Sportive “Fahrie Hoti” në kryeqytet, Tirana Eagles Basket duket sikur ka luajtur ndeshjen e jetës, por në fund ka fituar Partizani, që kështu ka vërtetuar se nuk ka kundërshtar.

Madje, edhe atëherë kur janë në disavantazh, të kuqtë e Elvis Ismetit dhe Arben Fagut, ashtu sikurse u vërtetua dhe dje në përfundim të ndeshjes në “Fahrie Hoti”, dinë të fitojnë.

Dhe dje Partizani ka shënuar fitoren e 12-të radhazi duke e mbyllur fazën e tretë me 24 pikë dhe të fundit e luan thjesht sa për kalendar, sepse është që tani në nivelin më të lartë të Kampionatit Kombëtar të Basketbollit për Meshkuj, që njihet si Superliga.

Ndërsa, ndeshja tjetër e javës së 14-të të nivelin të dytë të Kampionatit Kombëtar të Basketbollit për Meshkuj, që njihet si Kategoria e parë, ajo midis Skënderbeut dhe Elbasanit, luhet nesër pasdreke në Korçë.

Kampionati Kombëtar

i Basketbollit – Meshkuj

Kategoria e Parë

Java e 14-të

(26-28 shkurt 2017)

Të dielën:

Tirana Eagles Basket – Partizani  62-68

Të martën:

Skënderbeu – Elbasani                  ora 14:00

Apolonia                                            pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                12        12        0          921-578         24
2. Tirana Eagles Basket          11          7        4          715-628         18
3. Apolonia                                11          4        7          613-803         15
4. Elbasani                                10          3        7          583-729         13
5. Skënderbeu                          10          1        9          615-719         11