ASNN – Java e 14-të e nivelit më të lartë të Kampionatit Kombëtar të Basketbollit për Meshkuj, që njihet si Superliga, ka ulur siparin dje me ndeshjen e fundit të saj, atë që është luajtur në Durrës dhe ku Teuta vendase ka fituar bindshëm, 107-45, ndaj Flamurtarit.

Në fakt, kjo ndeshje nuk ka patur shumë histori, pasi pjesa e parë është mbyllur me fitoren 36-17 të durrsakëve, që kanë vijuar ta thellojnë këtë epërsi, duke e marrë 10-minutëshin e dytë, 30-10, dhe duke shkuar në pushim të ndeshjes duke kryesuar bindshëm 66-27.

Nuk kanë qenë më të mirë dy 10-minutëshat e fundit, që Teuta i ka fituar përkatësisht 20-10 dhe 21-8, dhe gjithë ndeshjen me shifrat 107-45. Teuta mbetet ne vendin e dytë të renditjes, me 24 pikë, 3 më pak se Tirana kryesuese dhe një më tepër sesa Vllaznia e vendit të 3-të dhe 3 më tepër sesa Kamza Basket e vendit të 4-t.

Kampionati Kombëtar

i Basketbollit – Meshkuj

Superliga

Java e 14-të

(24-25 shkurt 2017)

Të premten:

Ardhmëria Basket – Tirana            70-111

Kamza Basket – Vllaznia   58-100

Të shtunën:

Teuta – Flamurtari               107-45

Renditja

Nr.       Skuadra                     N.        F.         H.        Psh-Pp           Pikë

1. Tirana                         14        13          1        1348-923       27
2. Teuta                          14        10          4        1110-951       24
3. Vllaznia                     14          9          5        1109-935       23
4. Kamza Basket          14          7          7        1066-1137     21
5. Ardhmëria Basket    14          3        11        916-964         17
6. Flamurtari                  14          0        14        683-1323       14