ASNN – Vllaznia ka bërë të vetën, për herë të 4-t radhazi,  Kupën e Shqipërisë në futboll për femra, teksa pa shumë probleme ka likuiduar Apoloninë në “Elbasan Arena”. Ka qenë një përballje me një tablo, me shkodranet që sulmonin e fieraket që mbroheshin.

Edhe pse në 45 minutat e para Apolonia ia doli të mos pësojë gol, në të dytën dygolëshi i Doçit dhe goli i Jasharit i dhanë fitoren skuadrës shkodrane. Pas këtij triumfi, Vllaznia konfirmohet si superfuqia e futbollit shqiptar për femra.

“Ne si skuadër kemi punuar shumë dhe jemi vazhdimisht në punë për t’i fituar këto trofe, – tha në përfundim të ndeshjes trajneri i Vllaznisë, Nikolin Leka. – Sot (dje) fituam kupën, por këtë javë fillon edhe faza e dytë e kampionatit dhe jemi gati.”

“Në lidhje me Evropën dihet që është një objektiv madhor i yni dhe ne do bëjmë punën tonë duke u përgatitur vazhdimisht për të arritur një kualifikim në të ardhmen në këtë veprimtari”, – përfundoi trajneri i shkodraneve.

Kupa e Shqipërisë

Futboll – Femra

Libri i Artë i Fitueseve:

2009-2010                 Tirana AS

2010-2011                 Ada

2011-2012                 Juban Danja

2012-2013                 Juban Danja

2013-2014                 Vllaznia

2014-2015                 Vllaznia

2015-2016                 Vllaznia

2016-2017                 VLLAZNIA