ASNN – Kampionati Kombëtar “Albanian Gladiator 5” do të sillet të mërkurën për teleshikuesit nga Televizioni Shqiptar. Rreth 30 sportistë të arteve të përziera luftarake nga Shqipëria e Kosova do të luftojnë për të marrë titullin “kampion”. Ky sport i veçantë përfshin në rregulloren e vet përzierjen e mundjes, boksit, xhudos, “kik-boks”-it e shumë sporteve të tjera të rënda.
Një tjetër veprimtari sportive vjen drejtpërdrejt nga Rrjeti i Radio-Televizionit Shqiptar për të gjithë teleshikuesit. Bëhet fjalë për Kampionatin e Arteve të Përziera Luftarake (Mixed Martial Arts – MMA), “Albanian Gladiator 5” që do të zhvillohet të mërkurën në Tiranë. Për më shumë detaje rreth kësaj veprimtarie ka folur për Televizionin Shqiptar, presidenti i Federatës Shqiptare të Ndeshjeve të Lira, Arjan Rizaj.
Për herë të parë, në kampionatin shqiptar Gladiator, do të marrë pjesë edhe një sportist shqiptar me banim në Itali, Kol Ndreca. Kol Ndreca do të ndeshet me Kevin Vocin në peshën 70 kg. Ky duel është edhe më i rëndësishmi i këtij kampionati.
