Pas një jave pushimi është rikthyer në parket Liga Ballkanike e Basketbollit për Meshkuj. Gjithçka ka ndodhur dje në mbrëmje, ndërsa në Pallatin e Sportit “26 shtatori” të Gjevgjelisë, Kozhuvi ka tronditur Sutjeksën e Nikshiçit. Maqedonasit kanë fituar 94-65 dhe kanë marrë përkohësisht vendin e dytë në grupin C.

Një ndeshje që është dominuar nga maqedonasit, të cilët kanë fituar pjesën e parë 27-21. Më pas të dytën 26-14 dhe në pushim kanë kryesuar 53-35. 27-8 ishte pjesa e 3-të po për maqedonasit, që kanë thelluar në 80-43. Dhe vetëm pjesa e 4-t në favor të malazezëve të Sutjeskës, 14-22, ka ngushtuar diferencën në 94-65 gjithnjë në favor të Kozhuvit.

Sot luhen ndeshjet e ditës së tretë të grupit D, kurse të enjten e mbyll këtë xhiro ndeshja e grupit C mes Beroe Stara-Zagorës dhe MKK Feni Industriers në një ditë pa kontributin e gjyqtarëve ndërkombëtar të basketbollit shqiptar për Ligën Ballkanike.

Liga Ballkanike – BIBL 2016-2017

(Basketboll – Meshkuj)

Grupi C

Java e 3-të

(21-23 shkurt 2017)

Të martën:

Kozuvi – Sutjeska Nikshiq                                     94-65

Të enjten:

Beroe Stara-Zagora – MKK Feni Industries        ora 18:30

Renditja

Nr.       Skuadra                                 N.        F.         H.        Psh-Pp           Pikë

1. Beroe Stara-Zagora             4          4          0          366-325         8
2. Kozhuvi                                 5          2          3          424-399         7
3. Sutjeska Nikshiç                  5          2          3          359-425         7
4. MKK Feni Induestries         4          1          3          308-308         5